વડાપ્રધાન નરેન્દ્ર મોદી આજે તેમના યુરોપ પ્રવાસના બીજા દિવસે ડેનમાર્કની રાજધાની કોપનહેગન પહોંચશે. તેઓ ડેનિશ વડા પ્રધાન મેટ્ટે ફ્રેડ્રિક્સન સાથે પ્રતિનિધિમંડળ સ્તરની મંત્રણા કરશે અને એમઓયુની આપ-લે કરશે. બાદમાં તેઓ બિઝનેસ રાઉન્ડ ટેબલમાં હાજરી આપશે અને રાત્રિભોજન માટે રાણી માર્ગ્રેથ સાથે મુલાકાત કરશે.
તમને જણાવી દઈએ કે પીએમ મોદીએ પોતાનો પહેલો દિવસ જર્મનીમાં વિતાવ્યો હતો.વડા પ્રધાન નરેન્દ્ર મોદીએ જર્મન ચાન્સેલર ઓલાફ સ્કોલ્ઝ સાથે આંતર-સરકારી પરામર્શ (IGC) ના 6ઠ્ઠા પૂર્ણ સત્રની સહ-અધ્યક્ષતા કરી. તેમણે જર્મનીને ‘આત્મનિર્ભર ભારત’ અભિયાનમાં ભાગ લેવા માટે પણ આમંત્રણ આપ્યું હતું. બંને પક્ષોના સહભાગી મંત્રીઓ અને અધિકારીઓએ વિદેશ, સુરક્ષા, આર્થિક, નાણાકીય નીતિ, વૈજ્ઞાનિક અને સામાજિક વિનિમય, આબોહવા, પર્યાવરણ, ટકાઉ વિકાસ અને ઉર્જા સહિતના મુદ્દાઓ સહિત IGCના વિવિધ પાસાઓ પર તેમની બેઠકો પર સંક્ષિપ્ત અહેવાલો રજૂ કર્યા હતા.નાણામંત્રી નિર્મલા સીતારમણ, વિદેશ મંત્રી એસ જયશંકર, વિજ્ઞાન અને ટેકનોલોજી અને પૃથ્વી વિજ્ઞાનના રાજ્ય મંત્રી (સ્વતંત્ર હવાલો) જિતેન્દ્ર સિંહ અને ઉદ્યોગ અને આંતરિક વેપારના પ્રમોશન વિભાગના સચિવ અનુરાગ જૈને ભારત વતી રજૂઆતો કરી.
