શિયાળામાં માણો પ્રોટીનથી ભરપૂર આ હેલ્ધી સૂપની મજા, યાદશક્તિ અને આંખોનું વધશે તેજ, જાણો બનાવવાની સરળ રેસેપી......

શિયાળાની શરૂઆત થઈ ચૂકી છે ત્યારે લોકો હવે હેલ્ધી સૂપ પીવાનું શરૂ કરી રહ્યા છે કે જે તમારા સ્વાસ્થ્યને સારું રાખે. પાલક તેમનું જ એક શાકભાજી છે. પાલકનું સેવન કરવાથી હિમોગ્લોબિન વધે છે. આ સિવાય ગર્ભવતી મહિલાઓમાં ફોલિક એસિડની ઉણપ દૂર કરવા માટે તેનું સેવન લાભદાયક નીવડે છે. તેમાં રહેલું કેલ્શિયમ, બાળકો, વૃધ્ધો, ગર્ભવતી મહિલાઓ, સ્તનપાન કરાવતી મહિલાઓ માટે ખૂબ જ ફાયદાકારક હોય છે. તેના ઉપયોગથી યાદશક્તિમાં પણ વધારો થાય છે. આ ઉપરાંત પાલકની ભાજી ખ્વાથી પણ પાચનતંત્રમાં પણ રેસા ઉમેરાય છે. એટલે પાચન સરળ થઈ જાય છે. આ સૂપ નાના બાળકોથી માંડીને બધા જ ઓકો પી શકે છે. તો ચાલો જાણીએ તેને બનાવવાની રેસેપી.....

પાલકનું સૂપ બનાવવાની સામગ્રી

· 500 ગ્રામ પાલક

· 3 થી 4 નંગ ટામેટાં

· 1 ઇંચ આદુનો ટુકડો

· ½ ટી સ્પૂન સંચળ

· 1 ટી સ્પૂન લીંબુનો રસ

· 2 ટી સ્પૂન બટર

· 2 ટી સ્પૂન ક્રીમ

· 1 ટી સ્પૂન સમારેલી કોથમીર

· મીઠું સ્વાદ અનુસાર

પાલકનું સૂપ બનાવવાની રેસેપી

· સૌ પ્રથમ પાલક, ટામેટાં અને આદુના ટુકડા કરીને તેને બાફી લો. ત્યાર બાદ તેની પ્યોરી બનાવી લો.

· હવે આ પ્યુરીમાં 5 થી 6 કપ પાણી નાખી ગરણીથી ગાળી લો.

· તેને ધીમા તાપે મીઠું, સંચળ અને મરી નાખીને 2 થી 3 મિનિટ ચઢવા દો.

· સુપને ગેસ પરથી ઉતારીને તેમાં બટર aને લીંબુનો રસ ઉમેરી ગરમ ગરમ સર્વ કરો.

· આ સૂપ નાના બાળકોથી માંડીને પરિવારના તમામ સભ્યોને પસંદ આવશે. તમે તેને અઠવાડિયામાં 2 વાર ટ્રાય કરી શકો છો.