શિયાળામાં હેલ્ધી અને ટેસ્ટી લીલા ચણા ચાટ નાસ્તામાં છે શ્રેષ્ઠ,તે સ્વાસ્થ્ય માટે પણ ફાયદાકારક

શિયાળામાં બજારોમાં લીલા શાકભાજી વધારે જોવા મળે છે. આમાંથી એક લીલા ચણા છે, જે ઘણા પોષક તત્વોથી ભરપૂર છે. ઉત્તર ભારતમાં લીલા ચણાને ચોલિયા અથવા ઝીંઝરા તરીકે પણ ઓળખવામાં આવે છે. તે સ્વાદમાં પણ ઉત્તમ છે. તમે તેને શાક, ચાટ, સલાડ, પરાઠા જેવી ઘણી રીતે ખાઈ શકો છો. લીલા ચણા એ વિટામિન્સ, મિનરલ્સ અને કેલ્શિયમનો ભંડાર છે. કેલ્શિયમ આપણા હાડકાં માટે ખૂબ જ જરૂરી છે. આ સિવાય તેમાં સારી માત્રામાં ફાઈબર પણ હોય છે, જે પેટને લાંબા સમય સુધી ભરેલું રાખે છે. તેનાથી અતિશય આહાર ટાળી શકાય છે, જે સ્થૂળતાનું મુખ્ય કારણ છે. તેની સાથે લીલા ચણામાં ઝિંક, આયર્ન અને મેગ્નેશિયમ પણ હોય છે. આ બધા પોષક તત્વો આપણા શરીરને યોગ્ય રીતે કાર્ય કરવા માટે જરૂરી છે. અને લીલા ચણાને શેકીને પણ ખાવામાં આવે છે, તો લીલા ચણાની બીજી વાનગીની વાત કરીએ તો આપણે ગ્રીન ચણા ચાટ પણ બનાવી શકાય છે, જે ખૂબ જ સરળ છે. તમે તેને સાંજના નાસ્તા અથવા નાસ્તામાં સામેલ કરી શકાય છે.

લીલા ચણા ચાટ સામગ્રી :-

લીલા ચણા - 200 ગ્રામ, 1 થી 2 બટાકા બાફેલા અને નાના સમારેલા, તેલ - 1 ચમચી, જીરું - 1 ચમચી, 1 ડુંગળી બારીક સમારેલી, 1 ટામેટા બારીક સમારેલ, 1 કપ કોથમીર બારીક સમારેલી, 1/2 કાકડી, બારીક સમારેલી મીઠું સ્વાદ મુજબ, શેકેલું જીરું પાવડર - 1/2 ચમચી, ચાટ મસાલો - 1 ચમચી, લાલ મરચું પાવડર સ્વાદ મુજબ, લીંબુનો રસ સ્વાદ મુજબ

લીલા ચણા ચાટ બનાવવાની રીત :-

- સૌપ્રથમ લીલા ચણાને કુકરમાં એક સીટી વાગે ત્યાં સુધી પકાવો. અને બટેટાને પણ બાફવા ત્યાર પછી કડાઈમાં તેલ ગરમ કરી તેમાં જીરું, હિંગ, તળી લો અને પછી બાફેલા ચણા ઉમેરો. મીઠું નાખીને મિક્સ કરો. હવે તેમાં બટેટા અને લાલ મરચું પાઉડર ઉમેરીને મિક્સ કરો અને ગેસ બંધ કરો. એક વાટકીમાં લીલા ચણા ઉમેરો. તેમાં ડુંગળી, ટામેટા, કાકડી અને લીલા ધાણા ઉમેરો. પછી તેમાં જીરું પાવડર, ચાટ મસાલો અને લીંબુનો રસ ઉમેરીને બરાબર મિક્ષ કરી લો. ત્યાર બાદ ઉપર ચાટ મસાલો છાંટી સર્વ કરો. આ રીતે ઝડપી અને હેલ્ધી નાસ્તો રેડી છે.