દેશી ઘી માંથી બનાવો બદામનો હલવો, સ્વાદ અને સ્વાસ્થ્ય માટે રહેશે ઉત્તમ, જાણીલો રેસીપી..........

ભારતીય રસોઇમાં ઘીનું વિશેષ મહત્વ છે. જ્યારે કોઈ પણ ખાદ્યપદાર્થ શુદ્ધ તાજા દેશી ઘી બને છે, ત્યારે તેનો સ્વાદ તરત જ બમણો થઈ જાય છે. ઘીનો ઉપયોગ વધારથી લઈને લાડુ કે મીઠાઈ બનાવવા સુધીની દરેક વસ્તુમાં થાય છે. દેશી ઘી માત્ર સ્વાદિષ્ટ જ નથી પરંતુ સ્વાસ્થ્ય માટે પણ ખૂબ જ ફાયદાકારક માનવામાં આવે છે. તે ગુણવત્તા અને પોષણથી ભરપૂર છે. આટલું જ નહીં, આયુર્વેદમાં ઘીનો ઉપયોગ અમુક પ્રકારના રોગોની સારવારમાં પણ થાય છે. જો તમે પણ ઘીનો પૂરેપૂરો ફાયદો મેળવવા માંગતા હોવ તો અહીં અમે તમને સ્વાદિષ્ટ બદામનો હલવો બનાવવાની રીત શીખવીશું, જે શુદ્ધ ઘીનો ઉપયોગ કરીને બનાવવામાં આવે છે. તો ચાલો જોઈએ તેની રેસિપી....

બદામનો હલવો બનાવવાની સામગ્રી

· 1/2 કિલો બદામ

· 250 ગ્રામ ખાંડ

· 5 તાંતણા કેસર

· 10 ગ્રામ પિસ્તા

· 10 ગ્રામ સમારેલા બદામ

· 10 ગ્રામ સમારેલી એલચી પાવડર

· 1/2 ચમચી દૂધ

· 1/2 ગ્લાસ પાણી

· 1/2 ગ્લાસ લોટ

· 2 ચમચી દેશી ઘી

બદામનો હલવો બાંવવાની રીત

· સૌ પ્રથમ એક બાઉલમાં બદામ નાખીને આખી રાત પલાળી દો. સવારે તેને ગાળી લો અને તેની છાલ કાઢી લો.

· દૂધનો ઉપયોગ કરીને બદામને મિક્સર ગ્રાઇન્ડરમાં પીસી લો. યાદ રાખો કે બદામને બારીક પીસેલી હોવી જોઈએ.

· ત્યાર બાદ એક તવો લો, તેમાં ઘી નાખીને ગરમ કરો

· ઘી ગરમ થાય એટલે તેમાં બે ચમચી લોટ નાખી થોડી વાર પકાવો.

· જ્યારે લોટ શેકાઈ જાય ત્યારે તેમાં વાટેલી બદામ ઉમેરો અને સતત હલાવતા રહો.

· બદામ ઘેરા રંગની થઈ જાય અને શેકાઈ જાય એટલે તેમાં ખાંડ નાખો.

· ખાંડ નાખ્યા પછી થોડી માત્રામાં પાણી ઉમેરતા રહો. ધ્યાન રાખો કે હલવો પાતળો થઈ જાય એટલું પાણી ન નાખો.

· હલવાને કડાઈમાં મિક્સ કરતી વખતે થોડીવાર પાકવા દો અને પછી તેમાં પલાળેલું કેસર ઉમેરો.

· કેસર ઉમેર્યા પછી, સતત હલાવતા રહીને હલવાને મધ્યમ તાપ પર રાંધો.

· હવે છેલ્લે એલચી પાવડર નાખીને બરાબર મિક્ષ કરી લો.

· છેલ્લે, તેને સર્વિંગ બાઉલમાં કાઢીને ઉપર બદામના ટુકડાથી ગાર્નિશ કરો.

· હવે દેશી ઘી વડે બનાવેલ હલવાનો લુફ્ત ઉઠાવો.