નાણામંત્રી નિર્મલા સીતારમણે સંસદમાં બજેટ રજૂ કર્યું હતું. બજેટમાં નાણામંત્રીએ ઘણી પ્રોડક્ટ્સ અને સેવાઓ પર લાગતા ટેક્સમાં ફેરફાર કરવાની જાહેરાત કરી હતી. ટેક્સ ઘટવાથી કેટલીક વસ્તુઓ સસ્તી થશે. તો બીજી તરફ, ટેક્સ વધવાથી ઘણી પ્રોડક્ટ્સના ભાવ પણ વધી જશે.
નાણામંત્રી નિર્મલા સીતારમણે મોટી જાહેરાત કરી હતી કે, કેન્સરની દવાઓ સસ્તી થશે. મોબાઈલ તેમજ મોબાઈલના ચાર્જર સહિત અન્ય ઉપકરણો પર BCD 15 ટકા ઘટાડી દેવામાં આવ્યા છે. આ સિવાય સરકારે હવે સોના અને ચાંદી પરની કસ્ટમ ડ્યુટી ઘટાડીને 6 ટકા કરી દીધી છે. તેમજ ચામડા અને ફૂટવેર પરની કસ્ટમ ડ્યૂટીમાં પણ ઘટાડો કરવામાં આવ્યો છે.
બજેટ રજૂ થયા બાદ સાંભળો મુખ્યમંત્રી ભૂપેન્દ્ર પટેલે શું કહ્યું ..?
તો બીજી તરફ, જોઈએ તો ટેલિકોમ સાધનો મોંઘા થયા છે, તેના પર કસ્ટમ ડ્યુટી વધારીને 15 ટકા કરી દેવામાં આવી છે. બજેટમાં મોબાઈલ ફોન, મોબાઈલ ચાર્જર, સોના-ચાંદીના ઘરેણાં, સોલાર સેલ, સોલાર પેનલ, કેન્સરની 3 દવાઓ, તાંબામાંથી બનેલી વસ્તુઓ, લિથિયમ બેટરી, પ્લેટિનમમાંથી બનેલો સામાન, ચામડામાંથી બનેલી પ્રોડક્ટ્સ, ઇલેક્ટ્રિક વ્હીકલ, ઈમ્પોર્ટેડ જ્વેલરી, વીજળીના તાર, એક્ષ-રે મશીન, ફિશ ફીડ વસ્તુઓ સસ્તી થઇ છે, જ્યારે PVC બેનર, ટેલિકોમ ઉપકરણો અને પ્લાસ્ટિકની વસ્તુઓ મોંઘી થઇ હોવાનું બજેટમાં જણાવવામાં આવ્યું હતું.
