/connect-gujarat/media/post_banners/1686cbcd5aa28f07b4706900042124fddd66a8c2bd1390f4a58a0c6daa0db09d.webp)
3 વર્ષ બાદ ટીમ ઈન્ડિયાના સ્ટાર ખેલાડી વિરાટ કોહલીએ ટેસ્ટ ક્રિકેટમાં પોતાની સદીનો દુષ્કાળ ખતમ કરી દીધો છે. ઓસ્ટ્રેલિયા સામે અમદાવાદમાં રમાઈ રહેલી ચોથી ટેસ્ટ મેચના ચોથા દિવસે વિરાટ કોહલીએ જોરદાર સદી ફટકારી હતી.
તેણે 241 બોલનો સામનો કરીને પોતાની સદી પૂરી કરી હતી. જણાવી દઈએ કે છેલ્લી વખત કિંગ કોહલીએ નવેમ્બર 2019માં બાંગ્લાદેશ સામે કોલકાતા ટેસ્ટ મેચમાં સદી ફટકારી હતી. આવી સ્થિતિમાં 3 વર્ષ બાદ અમદાવાદ ટેસ્ટમાં કોહલીએ પોતાના આંતરરાષ્ટ્રીય કરિયરની 75મી સદી ફટકારી છે. ગયા વર્ષે 2022 એશિયા કપ દરમિયાન વિરાટ કોહલીએ આંતરરાષ્ટ્રીય ક્રિકેટમાં તેની 71મી સદી ફટકારી હતી. આ સદી તેની T20 કારકિર્દીની પ્રથમ સદી હતી. તે દરમિયાન તેણે 61 બોલનો સામનો કરીને 122 રનની તોફાની ઇનિંગ રમી હતી. વર્ષ 2023 માં, વિરાટ કોહલીએ શ્રીલંકા સામેની પ્રથમ વનડેમાં શાનદાર સદી ફટકારી હતી. આ સાથે તેણે છેલ્લી વનડેમાં 166 રનની અણનમ ઇનિંગ પણ રમી હતી.
/connect-gujarat/media/media_files/2024/10/31/3gifa.gif)