• એક્સ્ટ્રીમજિમદ્વારા કરવામાં આવ્યું વિશેષ આયોજન

• રેલવે ક્રિકેટ ગ્રાઉન્ડ ખાતે ક્રિકેટ ટુર્નામેન્ટનું આયોજન

• ચોથી ટેનિસ ક્રિકેટ ટુર્નામેન્ટમાં 10 ટીમએ ભાગ લીધો

• ધારાસભ્ય રમેશ મિસ્ત્રી સહિતના આગેવાનોની ઉપસ્થિતિ

• રેલવે ગ્રાઉન્ડ ખાતે મોટી સંખ્યામાં ક્રિકેટ રસિકોની હાજરી

ભરૂચના રેલવે ક્રિકેટ ગ્રાઉન્ડ ખાતે શહેરના એક્સ્ટ્રીમ જિમ દ્વારા ચોથી ટેનિસ ક્રિકેટ ટુર્નામેન્ટનું આયોજન કરવામાં આવ્યું હતું. જેમાં 10 ટીમના ખેલાડીઓએ ઉત્સાહપૂર્વક ભાગ લીધો હતો.

હાલમાં શિયાળાની મોસમ ચાલી રહી છે, ત્યારે આ મોસમમાં લોકો પોતાને શારરિક ફીટ અને તંદુરસ્ત રાખવા માટે કસરત, યોગ સહિતની એક્ટિવિટી કરતા હોય છે, ત્યારે ભરૂચ શહેરમાં આવેલ એક્સ્ટ્રીમ જિમના સંચાલક દિલીપ જાદવ દ્વારા જિમમાં આવતા લોકોમાં એકબીજા પ્રત્યે આદર ભાવ વધે તે માટે છેલ્લા 3 વર્ષથી ક્રિકેટ ટુર્નામેન્ટનું આયોજન કરવામાં આવે છે.

જેના ભાગરૂપે ભરૂચના રેલવે ક્રિકેટ ગ્રાઉન્ડ ખાતે ચોથી ટેનિસ ક્રિકેટ ટુર્નામેન્ટનું આયોજન કરાયું હતું. જેમાં 10 ટીમોના ખેલાડીઓએ ઉત્સાહપૂર્વક ભાગ લીધો હતો. આ પ્રસંગે ખેલાડીઓનો ઉત્સાહ વધારવા માટે ભરૂચના ધારાસભ્ય રમેશ મિસ્ત્રી, જિલ્લા પંચાયતના કારોબારી ચેરમેન ધર્મેશ મિસ્ત્રી, ભાજપ શહેર પ્રમુખ જતીન શાહ, પાલિકાના કારોબારી ચેરમેન હેમેન્દ્ર પ્રજાપતિ સહિત મોટી સંખ્યામાં ક્રિકેટ રસિકો ઉપસ્થિત રહ્યા હતા.