હોકી વર્લ્ડ કપઃ આજે વેલ્સ સાથે ભારતની ત્રીજી મેચ..!

હોકી વર્લ્ડ કપના ક્વાર્ટર ફાઇનલમાં સીધા પ્રવેશ માટે ભારતે ગુરુવારે (19 જાન્યુઆરી) વેલ્સ સામે મોટી જીત નોંધાવવી પડશે. પૂલ ડીમાં ભારત અને ઈંગ્લેન્ડના ચાર-ચાર પોઈન્ટ છે, પરંતુ વધુ ગોલ કરવાના કારણે ઈંગ્લેન્ડ ટોપ પર છે. આ સાથે ઈંગ્લેન્ડ પણ તેની છેલ્લી મેચમાં સ્પેન સામે જીત નોંધાવીને પૂલ ડીમાં ટોચ પર રહેવાનો પ્રયાસ કરશે. આ મેચ સાંજે 7.00 વાગ્યાથી રમાશે.

ભારતે તેની પ્રથમ મેચમાં સ્પેનને 2-0થી હરાવ્યું હતું, જ્યારે બીજી મેચ ઇંગ્લેન્ડ સાથે ડ્રો રહી હતી. ઇંગ્લેન્ડે તેની પ્રથમ મેચમાં વેલ્સ સામે 5-0થી વિજય નોંધાવ્યો હતો. ત્રીજા સ્થાને રહેલા સ્પેને વેલ્સને 5-1થી હરાવ્યું. આ પૂલમાં છેલ્લા સ્થાને રહેલા વેલ્સને બાદ કરતાં ત્રણેય દેશો પોઈન્ટ ટેબલમાં ટોચના સ્થાને રહેવાના દાવેદાર છે. વર્લ્ડ કપમાં રમી રહેલી 16 દેશોની ટીમોને 4-4ના પૂલમાં વહેંચવામાં આવી છે. દરેક પૂલની પ્રથમ ટીમને અંતિમ આઠની સીધી ટિકિટ મળશે. બાકીની ચાર ટીમો ક્રોસ ઓવર દ્વારા ક્વાર્ટર ફાઇનલમાં પહોંચશે.