ICC ટેસ્ટ રેન્કિંગઃ ભારતીય ક્રિકેટ માટે ઐતિહાસિક દિવસ, જસપ્રીત બુમરાહે નંબર 1 બોલર બનીને ઈતિહાસ રચ્યો.

જસપ્રીત બુમરાહ બુધવારે ICC દ્વારા જાહેર કરવામાં આવેલી તાજેતરની ટેસ્ટ રેન્કિંગમાં નંબર-1 બોલર બની ગયો છે. બુમરાહ નંબર-1 બનતા જ ભારતે ઈતિહાસ રચી દીધો. આ પ્રથમ વખત છે જ્યારે કોઈ ભારતીય ઝડપી બોલર ICC ટેસ્ટ રેન્કિંગમાં ટોચના સ્થાને પહોંચ્યો હોય. જસપ્રીત બુમરાહે વિશાખાપટ્ટનમ ટેસ્ટમાં ઈંગ્લેન્ડ સામે કુલ 9 વિકેટ ઝડપી હતી, જેના કારણે તેને ઘણો ફાયદો થયો હતો.

બુમરાહના શાનદાર પ્રદર્શનના આધારે ભારતે બીજી ટેસ્ટમાં ઈંગ્લેન્ડને 106 રનથી હરાવ્યું અને શ્રેણી 1-1થી બરાબર કરી લીધી. આ પ્રદર્શનના આધારે બુમરાહને ત્રણ સ્થાનનો ફાયદો થયો છે અને તે બોલિંગ રેન્કિંગમાં ટોચના સ્થાને પહોંચી ગયો છે. જોકે, બુમરાહના ફાયદાના કારણે રવિચંદ્રન અશ્વિનને ભારે નુકસાન થયું હતું.