IND vs AUS: ઓસ્ટ્રેલિયા વિરૂદ્ધ ઉમેશની સિક્સર જોઈને કોહલી-રોહિત આશ્ચર્યચકિત થયા, જુઓ VIDEO
ભારત અને ઓસ્ટ્રેલિયા વચ્ચે ટેસ્ટ શ્રેણીની ત્રીજી મેચ ઈન્દોરના હોલકર સ્ટેડિયમમાં રમાઈ રહી છે.
ભારત અને ઓસ્ટ્રેલિયા વચ્ચે ટેસ્ટ શ્રેણીની ત્રીજી મેચ ઈન્દોરના હોલકર સ્ટેડિયમમાં રમાઈ રહી છે. આ મેચમાં ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો, પરંતુ ઓસ્ટ્રેલિયાના સ્પિન બોલરોએ શાનદાર રમત બતાવી હતી. દિવસના પહેલા સેશનમાં જ ઈન્દોરની પીચ સ્પિન બોલરોને ઘણી મદદ કરી રહી હતી અને ટીમ ઈન્ડિયા પ્રથમ દાવમાં 109 રનમાં સમેટાઈ ગઈ હતી.
Umesh Yadav 2nd Six vs Ind Vs Australia.#INDvsAUS3rdTEST #IndVsAus2023 #BGT2023 pic.twitter.com/AJaOimNSAk
— Mishra Cric Talk (@MishraCric) March 1, 2023
બીજા સેશનમાં પણ અશ્વિન ત્રણ રન બનાવીને આઉટ થયો હતો. આ પછી ઉમેશ યાદવ બેટિંગ કરવા આવ્યો હતો. ઉમેશે 13 બોલમાં 17 રનની ઇનિંગ રમી હતી. આ દરમિયાન તેણે બે સિક્સર અને એક ફોર પણ ફટકારી હતી. ઉમેશ યાદવ નીચલા ક્રમમાં તેની આક્રમક બેટિંગ માટે જાણીતો છે. આવી સ્થિતિમાં તેની પાસેથી આવી જ બેટિંગની અપેક્ષા રાખવામાં આવી હતી અને તેણે પ્રથમ છગ્ગો ફટકારતા જ વિરાટ કોહલી આનંદથી ઉછળી પડ્યો હતો. કેપ્ટન રોહિત શર્મા પણ ઉમેશની છગ્ગા જોઈને આશ્ચર્યચકિત થઈ ગયો હતો.