IND vs AUS: રાયપુરમાં જીત ઐતિહાસિક બની, ટીમ ઇન્ડિયાએ ચોથી T20માં ઓસ્ટ્રેલિયાને હરાવીને બનાવ્યો વર્લ્ડ રેકોર્ડ

ભારતીય ટીમે રાયપુર મેદાન પર ચોથી T20 મેચમાં ઓસ્ટ્રેલિયાને 20 રને હરાવ્યું હતું. આ જીત સાથે ટીમ ઈન્ડિયાએ પાંચ મેચોની શ્રેણીમાં 3-1ની અજેય સરસાઈ પણ મેળવી લીધી છે. એટલું જ નહીં પરંતુ ટીમ ઈન્ડિયાએ સિરીઝમાં ત્રીજી વખત કાંગારૂઓને હરાવીને વર્લ્ડ રેકોર્ડ પણ બનાવ્યો છે. ભારત હવે T-20 ઈન્ટરનેશનલમાં સૌથી વધુ જીત મેળવનારો દેશ બની ગયો છે.

ભારતીય ટીમ T-20 આંતરરાષ્ટ્રીય ક્રિકેટમાં સૌથી વધુ જીત મેળવનારી ટીમ બની ગઈ છે. ચોથી T-20માં ઓસ્ટ્રેલિયા સામેની જીત ટીમ ઈન્ડિયાની ઈન્સ્ટન્ટ ક્રિકેટમાં 136મી જીત છે. આ મામલે ભારતીય ટીમે પાકિસ્તાનને પાછળ છોડી દીધું છે જેણે ક્રિકેટના સૌથી ટૂંકા ફોર્મેટમાં કુલ 135 મેચમાં જીતનો સ્વાદ ચાખ્યો છે.