ઈન્ડિયન પ્રીમિયર લીગ (IPL) 2022 ની 21મી મેચમાં સનરાઈઝર્સ હૈદરાબાદ (SRH) અને ગુજરાત ટાઇટન્સ (GT) વચ્ચે થઈ હતી. નવી મુંબઈના ડીવાય પાટિલ સ્ટેડિયમમાં બંને ટીમો આમને-સામને હતી. આ મેચમાં સનરાઇઝર્સ હૈદરાબાદે આઠ વિકેટે જીત મેળવી હતી. જીત છતાં આ મેચમાં સનરાઈઝર્સ હૈદરાબાદ માટે એક ચિંતાજનક સમાચાર સામે આવ્યા છે. મેચ દરમિયાન રાહુલ ત્રિપાઠીને પગના ભાગના સ્નાયુ ખેચાય ગયા હતા. જેના કારણે તે પોતાની ઈનિંગ્સને આગળ વધારી શક્યો નહોતો. આ ઘટના તેની સાથે 14મી ઓવરમાં રાહુલ ટેવતીયાના પહેલા બોલ પર સિક્સર ફટકાર્યા બાદ બની હતી.
#RahulTripathi falls off, presumably suffering from cramps pic.twitter.com/Bl6tgLxulR
— Raj (@Raj93465898) April 11, 2022
રાહુલ ત્રિપાઠીની સારવાર માટે ફિઝિયો મેદાનમાં આવ્યો હતો. પરંતુ તે બેટિંગ કરવાની સ્થિતિમાં ન હતો અને તેને મેદાન છોડવું પડ્યું હતું. રિટાયર્ડ હર્ટ થયો ત્યાં સુધીમાં રાહુલે 11 બોલમાં એક ચોગ્ગા અને છગ્ગાની મદદથી 17 રન બનાવ્યા હતા.