રણજી ટ્રોફી: સૌરાષ્ટ્ર બન્યું રણજી ચેમ્પિયન, બંગાળને 9 વિકેટે હરાવ્યું, ત્રણ વર્ષમાં બીજી વખત જીત્યું ટાઈટલ..!

રણજી ટ્રોફી 2023ની ફાઇનલમાં સૌરાષ્ટ્રે બંગાળને નવ વિકેટે હરાવ્યું હતું. આ સાથે આ ટીમ છેલ્લી ત્રણ સિઝનમાં બીજી વખત ચેમ્પિયન બની છે. ફાઈનલ મેચમાં જયદેવ ઉનડકટે શાનદાર પ્રદર્શન કરીને પોતાની ટીમને ખિતાબ અપાવ્યો છે.

ફાઈનલ મેચમાં બંગાળે પ્રથમ દાવમાં 174 રન બનાવ્યા હતા. જવાબમાં સૌરાષ્ટ્રે 404 રન બનાવ્યા હતા. આ સાથે જ બંગાળની ટીમ બીજા દાવમાં માત્ર 241 રન જ બનાવી શકી હતી. આવી સ્થિતિમાં સૌરાષ્ટ્રે બીજી ઇનિંગમાં એક વિકેટ ગુમાવીને 14 રન બનાવી ફાઇનલ મેચ જીતી લીધી હતી. સૌરાષ્ટ્રના કેપ્ટન જયદેવ ઉનડકટે નવ વિકેટ લઈને પોતાની ટીમને ચેમ્પિયન બનાવી હતી. તેને પ્લેયર ઓફ ધ મેચ પણ જાહેર કરવામાં આવ્યો હતો. સમગ્ર ટુર્નામેન્ટમાં શાનદાર પ્રદર્શન કરનાર અર્પિત વસાવડાને પ્લેયર ઓફ ધ મેચ જાહેર કરવામાં આવ્યો હતો.