રાશિદ ખાનને ગંભીર ઈજા, મુખ્ય ટુર્નામેન્ટમાંથી બહાર

અફઘાનિસ્તાનનો સ્ટાર ઓલરાઉન્ડર રાશિદ ખાન હેમસ્ટ્રિંગની ઈજાને કારણે બાકીના ધ હન્ડ્રેડમાંથી બહાર થઈ ગયો છે. ખાનને બાકાત રાખવાથી ટ્રેન્ટ રોકેટને મોટો ફટકો પડ્યો છે. 25 વર્ષીય રાશિદ ખાન શનિવારે સધર્ન બ્રેવ સામે છેલ્લી ઓવરમાં ફિલ્ડિંગ કરતી વખતે ઈજાગ્રસ્ત થયો હતો.

રાશિદ ખાનની ઈજાને લઈને અફઘાનિસ્તાનની ટીમ પણ ચિંતિત બની ગઈ છે. અફઘાનિસ્તાને આવતા મહિને ન્યુઝીલેન્ડ સામે એકમાત્ર ટેસ્ટ મેચ રમવાની છે અને રાશિદ ખાન તેના મુખ્ય ખેલાડીઓમાંથી એક છે. હવે એ જોવાનું રસપ્રદ રહેશે કે રાશિદ ખાન સમયસર ફિટ થઈ શકે છે કે નહીં.

રાશિદ ખાનની જગ્યાએ કોને મળી તક?

ESPNcricinfoના રિપોર્ટ અનુસાર, રાશિદ ખાનના વિકલ્પ તરીકે ઓસ્ટ્રેલિયાના સ્પિન ઓલરાઉન્ડર ક્રિસ ગ્રીનનો સમાવેશ કરવામાં આવ્યો છે. તમને જણાવી દઈએ કે ટ્રેન્ટ રોકેટ્સ પાસે ધ હન્ડ્રેડમાં નોકઆઉટમાં સ્થાન મેળવવાની તક છે કારણ કે તે પોઈન્ટ ટેબલમાં પાંચમા સ્થાને છે. રોકેટે અત્યાર સુધીમાં 6 મેચ રમી છે, જેમાં ત્રણમાં જીત અને એટલી જ હાર થઈ છે.