T20 વર્લ્ડ કપ : વાદળોથી ઘેરાયેલા મેલબોર્નમાં ટ્રેનિંગ શરૂ, આફ્રિદીનો સામનો કરવા રોહિતે કરી ખાસ તૈયારી.!

ભારત અને પાકિસ્તાન વચ્ચે T20 વર્લ્ડ કપ રવિવારે (23 ઓક્ટોબર) રમાશે. આ મેચ માટે ટીમ ઈન્ડિયા મેલબોર્ન પહોંચી ગઈ છે. ટીમ ઈન્ડિયાએ મેચની તૈયારીઓ શરૂ કરી દીધી છે. ટીમનું પ્રથમ તાલીમ સત્ર શુક્રવારે (21 ઓક્ટોબર) મેલબોર્નમાં યોજાયું હતું. આ દરમિયાન ખેલાડીઓ કવાયત કરતા જોવા મળ્યા હતા. આ સાથે જ કેપ્ટન રોહિત શર્માએ નેટ્સમાં બેટ વડે પરસેવો પાડ્યો હતો.

Advertisment

રોહિત શર્માએ ડાબા હાથના બોલરનો સામનો કર્યો હતો. કોચ રાહુલ દ્રવિડે તેનું ખાસ આયોજન કર્યું હતું. રોહિતે શરૂઆતની ઓવરોમાં પાકિસ્તાનના ખતરનાક બોલર શાહીન આફ્રિદીનો સામનો કરવાનો છે. એટલા માટે દ્રવિડે ડાબા હાથના બોલર દ્વારા રોહિત માટે ખાસ થ્રો-ડાઉન સેશન રાખ્યું હતું.

બીસીસીઆઈએ શુક્રવારે ટ્વિટર પર એક ફોટો શેર કર્યો હતો. જેમાં ભારતીય ખેલાડીઓ પ્રેક્ટિસ કરતા જોવા મળે છે. કેટલાક ખેલાડીઓ સામાન્ય તાલીમ કરી રહ્યા છે અને કેટલાક મેલબોર્ન ક્રિકેટ ગ્રાઉન્ડની આસપાસ ઘૂમી રહ્યા છે. આ દરમિયાન આકાશમાં વાદળો દેખાય છે. મેલબોર્નમાં આગામી થોડા દિવસો સુધી હળવા વરસાદની આગાહી કરવામાં આવી છે. ભારત-પાકિસ્તાનની રમત પર પણ વરસાદ જોવા મળી શકે છે.