ટીમ ઈન્ડિયાની નવી જર્સી લોન્ચ:કાશ્મીરી ડિઝાઇનરે જર્સી ડિઝાઇન કરી

ટીમ ઈન્ડિયાની નવી જર્સી લોન્ચ થઈ ગઈ છે. સ્પોર્ટ્સ બ્રાન્ડ એડિડાસ ટીમ ઈન્ડિયાની નવી કિટ સ્પોન્સર છે. કંપનીએ પોતે વીડિયો જાહેર કરીને ત્રણેય ફોર્મેટ માટે ત્રણ અલગ-અલગ ડિઝાઇનની જર્સી રજૂ કરી હતી. 7 જૂનથી રમાનારી વર્લ્ડ ટેસ્ટ ચેમ્પિયનશિપ ફાઈનલ (WTC)માં ટીમ ઈન્ડિયા આ જર્સીમાં જોવા મળશે.ગયા મહિને, ભારતીય ક્રિકેટ કંટ્રોલ બોર્ડ (BCCI)એ એડિડાસ સાથે 2028 સુધીનો કરાર કર્યો હતો. ભારતીય મેન્સ ક્રિકેટ ટીમ ઉપરાંત, એડિડાસ વુમન્સ સિનિયર નેશનલ ક્રિકેટ ટીમ, ઈન્ડિયા A, ઈન્ડિયા B અને અંડર-19 મેન્સ અને વુમન્સ ક્રિકેટ ટીમોની જર્સીને પણ સ્પોન્સર કરશે.T20 આંતરરાષ્ટ્રીય મેચ માટે ટીમ ઈન્ડિયા ઘેરા વાદળી કોલરલેસ જર્સી પહેરીને મેદાનમાં ઉતરશે. બીજી તરફ, ODI માટે, જર્સીમાં આછા વાદળી રંગનો ઉપયોગ કરવામાં આવ્યો છે, જેમાં કોલર છે. તે જ સમયે, ટેસ્ટ મેચની જર્સી સફેદ હોય છે. એડિડાસની ત્રણેય જર્સીના ખભા પર 3-3 પટ્ટાઓ છે. આ જર્સીને કાશ્મીર સ્થિત ડિઝાઇનર આકિબ વાનીએ ડિઝાઇન કરી છે. તો, ભારતીય ક્રિકેટ ટીમના સ્લીવ સ્પોન્સર હજુ જાહેર થયા નથી.