રવિચંદ્રન અશ્વિને છેલ્લી ODI રમી ત્યારે મેચનું પરિણામ શું આવ્યું? જાણો કેવું પ્રદર્શન કર્યું હતું.!
ભારતે ઓસ્ટ્રેલિયા સામેની પ્રથમ બે ODI માટે 17 સભ્યોની અને ત્રીજી ODI માટે 15 સભ્યોની ટીમ પસંદ કરી હતી.
BCCIએ સોમવારે ઓસ્ટ્રેલિયા સામેની ત્રણ મેચની ODI શ્રેણી માટે ભારતીય ટીમની જાહેરાત કરી છે. ભારતે ઓસ્ટ્રેલિયા સામેની પ્રથમ બે ODI માટે 17 સભ્યોની અને ત્રીજી ODI માટે 15 સભ્યોની ટીમ પસંદ કરી હતી.
ભારતીય ટીમમાં અનુભવી ઓફ સ્પિનર રવિચંદ્રન અશ્વિનની વાપસી થઈ છે. અશ્વિન લગભગ 20 મહિના બાદ ODI ટીમમાં પરત ફર્યો છે. આનાથી સંકેત મળ્યો છે કે આગામી વર્લ્ડ કપમાં અશ્વિનને ભારતીય ટીમમાં સામેલ કરવામાં આવી શકે છે.
ચાલો તમને જણાવી દઈએ કે રવિચંદ્રન અશ્વિને છેલ્લી વખત ODI મેચ રમી હતી, તેનું પરિણામ શું આવ્યું અને ઓફ સ્પિનરનું પ્રદર્શન કેવું રહ્યું. અશ્વિને તેની છેલ્લી વનડે મેચ ગયા વર્ષે જાન્યુઆરીમાં દક્ષિણ આફ્રિકા સામે રમી હતી.
ભારતના દક્ષિણ આફ્રિકા પ્રવાસ પર ત્રણ મેચની શ્રેણીની આ બીજી વનડે હતી. પ્રથમ બેટિંગ કરતા ભારતે 50 ઓવરમાં 6 વિકેટ ગુમાવીને 287 રન બનાવ્યા હતા. અશ્વિને 24 બોલમાં એક ચોગ્ગા અને એક છગ્ગાની મદદથી અણનમ 25 રન બનાવ્યા હતા.
દક્ષિણ આફ્રિકાના બેટ્સમેનોએ જોરદાર વળતો હુમલો કર્યો અને 48.1 ઓવરમાં લક્ષ્ય હાંસલ કરી લીધું. રવિચંદ્રન અશ્વિનનો બોલિંગ સ્પેલ સારો નહોતો. તેણે 10 ઓવરમાં એકપણ વિકેટ લીધા વિના 68 રન આપ્યા હતા. આ ખરાબ પ્રદર્શન બાદ અશ્વિનને છેલ્લી વનડેમાં બહાર કરી દેવામાં આવ્યો હતો અને જયંત યાદવને તક આપવામાં આવી હતી. ત્યારબાદ અશ્વિન વનડે ટીમમાં જોવા મળ્યો ન હતો.
