સુરત: કર્ફ્યૂના કારણે વાહન ન મળતાં માતા પાંચ વર્ષની બાળકીને ઉંચકી હોસ્પિટલ તરફ દોડી,પછી શું થયું જુઓ

કોરોનના સંક્રમણને અટકાવવા સુરતમાં રાત્રિ કરફ્યુ છે ત્યારે કરફ્યુના કારણે પાંચ વર્ષીય બાળકીએ જીવ ગુમાવવાનો વારો આવ્યો હતો. સુરતમાં કર્ફ્યૂના કારણે વાહન ન મળતાં માતા પાંચ વર્ષની બાળકીને ઉંચકી હોસ્પિટલ તરફ દોડી હતી જો કે સારવાર મળે એ પૂર્વે જ બાળકીનું મોત નીપજયું હતું

પાંડેસરાના વાલક નગરમાં રહેતી અર્ચના નામની પાંચ વર્ષીય દીકરીએ પોતાનો જીવ ગૂમાવ્યો હતો. ગઈકાલે રાત્રે એકા એક બાળકીને ઝાડા-ઊલટી થતાં તેની તબિયત લથડી હતી. માતાએ પોતાની વહાલસોયી દીકરીને હોસ્પિટલ લઈ જવા માટે દોડ લગાવી હતી. કર્ફ્યુનો સમય હોવાથી બહાર કોઈ વાહન મળ્યું ન હતું. પોતાની બાળકીની એકાએક તબિયત લથડતા માતા એ પોતે જ બાળકીને ઉચકીને રીતસરની સિવિલ હોસ્પિટલ તરફ દોટ મૂકી હતી.જો કે બાળકીને સારવાર મળે તે અગાઉ જ તેનું મોત થયું હતું. બાળકીની તબિયત લથતા માતા તેની દીકરીને પાંડેસરાના વાલક નગરથી સિવિલ હોસ્પિટલ પહોંચતા પહેલા જ રસ્તામાં બાળકીએ શ્વાસ છોડી દીધો હતો. રાત્રિના સમયે પિતા કામ પરથી ઘરે પરત ફર્યા ન હતા અને બીજી તરફ કર્ફ્યુનો સમય શરૂ થઈ ગયો હતો. જેથી બસ કે, ઓટોરિક્ષા પણ માતાને પોતાની દીકરીને સારવાર માટે હોસ્પિટલ ખસેડવા માટે મળી ન હતી. આર્થિક સ્થિતિ નબળી હોવાથી માતા પાસે મોબાઈલ ફોન ન હોવાને કારણે તે 108 માં પણ ફોન કરી શકી ન હતી. માતા રીતસરની પોતાની બાળકીને ખભે ઉપાડીને તમે હોસ્પિટલ તરફ દોટ મૂકી હતી. પરંતુ, કમનસીબે બાળકી હોસ્પિટલ પહોંચે તે પહેલાં જ સોસિયો સર્કલ ખાતે રસ્તામાં બાળકીએ જીવ ગૂમાવ્યો હતો.