ગાયને પોતાનું ધન માનતા સુરતના જીવદયા પ્રેમીઓએ ધન તેરસ નિમિત્તે ગૌ પૂજન થકી અનોખી રીતે ઉજવણી કરી...

ધન તેરસ નિમિત્તે લોકો દેયરા ધન અને ચોપડાનું પૂજન

પરંપરા મુજબ ધન તેરસે ગૌ પૂજનનું પણ અનેરું મહત્વ

ગાયને પોતાનું ધન માનતા સુરતના જીવદયા પ્રેમીઓ

જીવદયા પ્રેમીઓએ ગૌ પૂજન થકી કરી વિશેષ ઉજવણી

ગાય માટે “રખડતા ઢોર” ઉચ્ચારણ અયોગ્ય : જીવદયા પ્રેમી

ગાયને પોતાનું ધન માનતા સુરત શહેરના જીવદયા પ્રેમીઓ દ્વારા ધન તેરસના પાવન અવસરે ગૌ પૂજન કરી અનોખી રીતે ઉજવણી કરવામાં આવી હતી.

સમુદ્રમંથન દરમિયાન ભગવાન ધન્વંતરી અમૃત કળશ સાથે પ્રગટ થયા હતા. આથી આ દિવસને ધનતેરસ તરીકે ઉજવવામાં આવે છે. ધન તેરસના પાવન અવસરે લોકો ધન તેમજ ચોપડાનું પૂજન કરતા હોય છે, ત્યારે જૂની પરંપરા મુજબ ધન તેરસના દિવસે ગૌ પૂજનનું પણ અનેરું મહત્વ રહ્યું છે. અગાઉના વર્ષોમાં ગાય આધારિત ખેતી હતી. જેને લઈને લોકો ગાયને પોતાનું ધન માનતા હતા, અને ધન તેરસના દિવસે ગૌ પૂજન કરતા હતા, ત્યારે સુરતના પૂર્વ શહેર ભાજપ અધ્યક્ષ નીતિન ભજીયાવાલાએ આ પરંપરા વર્ષોથી જાળવી રાખી છે. તેઓએ પોતાના પરિવાર સાથે ગૌ પૂજન કરી લોકોને પણ ગાયનું મહત્વ સમજાવ્યું હતું. તો બીજી તરફ, રાજસ્થાન સરકારે ગાય બાબતે અપમાનજનક શબ્દ નહીં ઉચ્ચારવાનો જે નિર્ણય કર્યો છે, તેને પણ તેઓએ યોગ્ય ઠેરવ્યો હતો. જે રીતે ઇન્ડસ્ટ્રીયલ ઝોન અને રેસીડેન્સીયલ ઝોન હોય છે, તે રીતે સરકાર ગાય માટે પણ એક ઝોન બહાર પાડે તેવી માંગણી કરી હતી. ગાય માટે રખડતા ઢોરના શબ્દનું ઉચ્ચારણ અયોગ્ય છે, તેવું પણ નીતિન ભજીયાવાલાએ જણાવ્યું હતું.