સુરત : વરાછામાં પાલિકાની આરોગ્ય ટીમના દરોડા,150 કિલોથી વધુ શંકાસ્પદ પનીર ઝડપાયું

સુરતના વરાછા વિસ્તારમાં બનાવટી પનીરની બૂમ ઉઠી હતી.જેના પગલે મહાનગરપાલિકાના આરોગ્ય વિભાગે પોલીસને સાથે રાખીને તાસની વાડીમાં દરોડા પાડ્યા હતા.

author-image
By Connect Gujarat Desk in સુરત સમાચાર
New Update

  • પાલિકાની આરોગ્ય વિભાગની ટીમના દરોડા

  • વરાછા પોલીસને સાથે રાખી કરવામાં આવી કાર્યવાહી 

  • તાસની વાડીમાં શંકાસ્પદ પનીર ઝડપાયુ

  • 150 કિલોથી વધારે શંકાસ્પદ પનીર જપ્ત કર્યું

  • પોલીસે ત્રણ ઈસમોની અટકાયત પણ કરી

સુરતના વરાછા વિસ્તારમાં આરોગ્ય વિભાગે પોલીસના સહયોગથી તાસની વાડીમાં દરોડા પડ્યા હતા,જેમાં 150 કિલોથી વધારે શંકાસ્પદ પનીરનો જથ્થો જપ્ત કરવામાં આવ્યો હતો.અને પોલીસે ત્રણ ઈસમોની અટકાયત કરી હતી.

સુરતને ડાયમંડ સીટીનું ઉપનામ મળ્યું છે,જોકે સુરત ભોજન માટે પણ પ્રખ્યાત છે,જોકે સ્વાદના શોખીનો માટે ક્યારેક બહારનું ભોજન જોખમી પણ સાબિત થઇ શકે છે,વરાછા વિસ્તારમાં બનાવટી પનીરની બૂમ ઉઠી હતી.જેના પગલે મહાનગરપાલિકાના આરોગ્ય વિભાગે પોલીસને સાથે રાખીને તાસની વાડીમાં દરોડા પાડ્યા હતા.

જે દરોડામાં 150 કિલોથી પણ વધુ શંકાસ્પદ પનીરનો જથ્થો મળી આવ્યો હતો,આરોગ્ય વિભાગ દ્વારા આ પનીરને  જપ્ત કરી તેના નમૂના લઈને પૃથક્કરણ માટે મોકલી આપ્યા હતા.તેમજ પોલીસે આ ઘટનામાં ત્રણ ઈસમોની અટકાયત કરવામાં આવી હતી.આરોગ્ય વિભાગ અને પોલીસની કાર્યવાહીને પગલે અખાદ્ય ફૂડ પ્રોડક્ટ વેચતા લોકોમાં ફફડાટ વ્યાપી ગયો હતો.

#Suspicious Paneer #surat municipal corporation #Connect Gujarat #Surat Municiple #Surat Health Department #Paneer
Related Articles
Read the Next Article

સુરત : બારડોલીની મહિલા જીવલેણ લેપ્ટોસ્પાયરોસીસ રોગની ઝપેટમાં આવી, આરોગ્ય તંત્ર દોડતું થયું...

દક્ષિણ ગુજરાતમાં દર વર્ષે ચોમાસાની ઋતુમાં જીવલેણ લેપ્ટોસ્પાયરોસીસ નામનો રોગ હાહાકાર મચાવે છે, ત્યારે સુરત શહેર તથા જિલ્લામાં પણ આ વર્ષે લેપ્ટોસ્પાયરોસીસમાં એક દર્દી ઝપેટમાં આવ્યો છે.

author-image
By Connect Gujarat Desk in સુરત સમાચાર
New Update

  • અતંરિયાળ વિસ્તારોમાં લેપ્ટોસ્પાયરોસીસ તરખાટ જોવા મળ્યો

  • દક્ષિણ ગુજરાતમાં ચોમાસાની ઋતુમાં હાહાકાર મચાવતો રોગ

  • જીવલેણ લેપ્ટોસ્પાયરોસીસમાં બારડોલીની મહિલા ઝપેટમાં આવી

  • મહિલાને નવી સિવિલ હોસ્પિટલ ખાતે સારવાર અર્થે ખસેડાય

  • શહેર તથા જિલ્લામાં એક દર્દી નોંધાતા આરોગ્ય તંત્ર દોડતું થયું

દક્ષિણ ગુજરાતમાં દર વર્ષે ચોમાસાની ઋતુમાં જીવલેણ લેપ્ટોસ્પાયરોસીસ નામનો રોગ હાહાકાર મચાવે છે, ત્યારે સુરત શહેર તથા જિલ્લામાં પણ આ વર્ષે લેપ્ટોસ્પાયરોસીસમાં એક દર્દી ઝપેટમાં આવ્યો છે.

ચોમાસાની ઋતુમાં દર વર્ષે દક્ષિણ ગુજરાતના અતંરિયાળ વિસ્તારોમાં લેપ્ટોસ્પાયરોસીસ તરખાટ જોવા મળતો હોય છે, ત્યારે આ વર્ષે પણ દક્ષિણ ગુજરાતના સુરત જીલ્લામાં લેપ્ટોસ્પાયરોસીસનો પ્રથમ કેસ નોંધાયો છે. બારડોલીની એક મહિલા લેપ્ટોસ્પાયરોસીસની બીમારીમાં સપડાઈ જતાં તેણીને સુરતની નવી સિવિલ હોસ્પિટલ ખાતે સારવાર અર્થે ખસેડવામાં આવી છે. અત્રે ઉલ્લેખનીય છે કે, દક્ષિણ ગુજરાત સહિત સુરતમાં વર્ષ 2023માં લેપ્ટોસ્પાયરોસીસના કુલ 5 કેસ અને ગત વર્ષ 2024માં કુલ 22 દર્દી પૈકી 5 દર્દીના મોત થયા હતા, ત્યારે હવે સુરતમાં લેપ્ટોસ્પાયરોસીસની બીમારીનો પ્રથમ કેસ દેખાતા આરોગ્ય તંત્ર પણ દોડતુ થયુ છે.

#CGNews #Monsoon Dieases #woman #Bardoli #Surat #Gujarat