સુરત : ઉધનામાં લગ્ન પ્રસંગે દારૂની બોટલ સાથે ડાન્સ કરતાં 8 શખ્સોની પોલીસે કરી ધરપકડ

દારૂની બોટલ સાથે યુવાનનો ડાન્સ કરતો વિડિયો હાલ સોશિયલ મીડિયામાં ખૂબ વાઇરલ થઈ રહ્યો છે. મળતી માહિતી અનુસાર, દારૂની બોટલ સાથે ડાન્સ કરતો આ વિડિયો સુરત શહેરના ઉધના વિસ્તારનો હોવાનું સામે આવ્યું છે

New Update

દારૂબંધીની વાત કરતી ગુજરાત સરકાર સામે પડકાર

કાયદાનો ડર ન હોય તેમ કેટલાક લોકો બેફામ બન્યા

ઉધનામાં લગ્ન પ્રસંગે દારૂની બોટલ સાથે કર્યો ડાન્સ

વાઇરલ વિડિયોના આધારે પોલીસની કડક કાર્યવાહી

દારૂની બોટલ સાથે ડાન્સ કરતાં 8 ઈસમોની ધરપકડ

સુરત શહેરના ઉધના વિસ્તારમાં લગ્ન પ્રસંગે દારૂની બોટલ સાથે ડાન્સ 8 ઈસમોની પોલીસે ધરપકડ કરી કાયદેસરની કાર્યવાહી હાથ ધરી છે. ગુજરાતમાં દારૂબંધીની વાત કરતી સરકાર સામે જાણે પડકાર ફેંક્યો હોય તેવી સ્થિતિ સુરતમાં જોવા મળી છે. કાયદો-વ્યવસ્થાનો ડર ન હોય તે રીતે કેટલાક લોકો લગ્ન પ્રસંગે બેફામ બનીને મોજ-મસ્તી કરતા દેખાઈ રહ્યા છે.

જાહેર સ્થળ પર દારૂની બોટલ સાથે યુવાનનો ડાન્સ કરતો વિડિયો હાલ સોશિયલ મીડિયામાં ખૂબ વાઇરલ થઈ રહ્યો છે. મળતી માહિતી અનુસારદારૂની બોટલ સાથે ડાન્સ કરતો આ વિડિયો સુરત શહેરના ઉધના વિસ્તારનો હોવાનું સામે આવ્યું છે. સમગ્ર મામલે ઉધના પોલીસે વિડિયોના આધારે કડક કાર્યવાહી હાથ ધરી હતી.

જેમાં ગણતરીના કલાકોમાં જ વિડિયોમાં દેખાતા તમામ 8 ઈસમોને ઝડપી પાડ્યા હતા. પોલીસ તપાસ દરમ્યાન વાઇરલ વિડીયો ઉધના વિસ્તારની કર્મયોગી સોસાયટીનો હોવાનું બહાર આવ્યું છે. તો બીજી તરફઉધના પોલીસે ગુનો નોંધી દારૂ ક્યાંથી લાવવામાં આવ્યો હતોતે અંગે પણ તપાસ શરૂ કરી છે.

Read the Next Article

સુરત : પુણામાં કાપડના વેપારી પર ચપ્પુથી હુમલો કરનાર શખ્સની ધરપકડ, પોલીસ ઘટનાનું કર્યું રિકંસ્ટ્રક્શન

ઉગ્ર બોલાચાલી થયા બાદ મામલો વધુ ગંભીર બન્યો હતો. ઉશ્કેરાયને હિતેશે કમરના ભાગે છુપાવેલું ચપ્પુ કાઢી ઉદય પટગીર પર ઉપરાછાપરી ઘા મારી દીધા હતા..

New Update
  • પુણામાં કાપડના વેપારી પર હુમલાનો મામલો 

  • યુવકે ચપ્પુથી કર્યો હતો જીવલેણ હુમલો 

  • વેપારી યુવકની પત્નીને કરતો હતો મેસેજ 

  • પોલીસે હુમલાખોર યુવકની કરી ધરપકડ 

  • આરોપીનું સરઘસ કાઢીને રિકંસ્ટ્રક્શન કરાયું 

સુરતના પુણા વિસ્તારમાં આવેલી મુક્તિધામ સોસાયટીમાં બે દિવસ પહેલા એક યુવકે કાપડના વેપારીને ચપ્પુના ઘા માર્યા હતા. આ સમગ્ર ઘટના સીસીવટીવીમાં કેદ થઈ જવા પામી હતી.આ મામલે પુણા પોલીસમાં હત્યાના પ્રયાસનો ગુનો નોંધી આરોપી યુવકની ધરપકડ કરી હતી. આ સાથે યુવકને સાથે રાખી ઘટનાસ્થળે રિકન્સ્ટ્રકશન કરવામાં આવ્યું હતું.

સુરતના પુણામાં વિક્રમનગર સોસાયટીમાં રહેતા ઉદય મનુભાઈ પટગીર બોમ્બે માર્કેટ-પુણા રોડ ખાતે આવેલા અનુપમ પ્લાઝામાં રૂદ્ર ક્રિએશનના નામે લેલપટ્ટી-કુર્તી બનાવવાનું કારખાનું ચલાવે છે. ગત 18 જુલાઈના રોજ ઉદય પટગીર દુકાનેથી ઓળખીતા લાભુબેનના ઘરે મુક્તિધામ સોસાયટી-પુણા લેસપટ્ટીનો માલ લેવા ગયો હતો. જ્યાંથી માલ લઇ મોપેડ પર જવા નીકળતા હિતેશ નકુમે ધસી જઈ ગાળાગાળી શરૂ કરી દીધી હતી.

રસ્તા પર જ ઉદય અને હિતેશ વચ્ચે ઉગ્ર બોલાચાલી થયા બાદ મામલો વધુ ગંભીર બન્યો હતો. ઉશ્કેરાયને હિતેશે કમરના ભાગે છુપાવેલું ચપ્પુ કાઢી ઉદય પટગીર પર ઉપરાછાપરી ઘા મારી દીધા હતા. રસ્તા પર ભારે હંગામો મચી જતા લોકો એકત્ર થઈ ગયા હતા. જેમાં મહિલાઓએ હિતેશને પકડી લેતા ઉદયનો બચાવ થયો હતોપણ ગંભીર ઇજા પહોંચી હતી.લોહીલુહાણ ઉદયને સારવાર અર્થે હોસ્પિટલ ખસેડાયો હતો.

પોલીસે આરોપીની ધરપકડ કરી કાયદેસરની કાર્યવાહી હાથ ધરી છે. તેમજ આરોપીને મોબાઈલ જપ્ત કરી તેમાં કરેલા મેસેજની વિગતો મેળવવાની કવાયત શરૂ કરી છે. જ્યારે આરોપી હિતેશને સાથે રાખીને મુક્તિધામ સોસાયટીમાં ઘટનાનું રિકન્સ્ટ્રકશન કરવામાં આવ્યું હતું. પોલીસ દ્વારા રિકન્ટ્રક્શનની કામગીરી દરમિયાન મોટી સંખ્યામાં સોસાયટીના લોકો એકઠા થઈ ગયા હતા.કાપડ વેપારી હિતેશની પત્નીને મોબાઇલમા મેસેજ કરતો હોવાની રીસ રાખીને હિતેશે હુમલો કર્યો હોવાનું પોલીસ તપાસમાં જાણવા મળ્યું હતું.