• ડીંડોલી વિસ્તારની સાંઈ શક્તિ સોસાયટીની ઘટના

• લગ્ન પ્રસંગ દરમ્યાન ફાયરીંગની ઘટના સામે આવી

• હવામાં 3 રાઉન્ડ ફાયરીંગ કર્યું હોવાનાCCTV ફૂટેજ

• ઈજાગ્રસ્ત 2 લોકોનેસારવાર અર્થે ખસેડવામાં આવ્યા

• ફાયરીંગ કરનાર આરોપીની પોલીસ દ્વારા ધરપકડ

સુરત શહેરના ડીંડોલી વિસ્તારની સાંઈ શક્તિ સોસાયટીમાં લગ્ન પ્રસંગ દરમ્યાન ફાયરીંગની ઘટના સામે આવી હતી. એક ઈમમે હવામાં 3 રાઉન્ડ ફાયરીંગ કર્યું હોવાનાCCTV ફૂટેજ સામે આવતા પોલીસ ફરિયાદ નોંધી હતી. જેમાં ફાયરીંગ કરનાર આરોપીની ધરપકડ કરી પોલીસે કાયદેસરની કાર્યવાહી હાથ ધરી છે.

સુરત શહેરના ડીંડોલી વિસ્તારમાં સાંઈ શક્તિ સોસાયટી આવેલી છે, જ્યાં લગ્ન પ્રસંગ હતો, ત્યારે ડાંસ કરતી વખતે ઉમેશ તિવારી નામના ઇસમ દ્વારા હવામાં 3 રાઉન્ડ ફાયરિંગ કરવામાં આવ્યું હતું. જેમાં 2 લોકો ઈજાગ્રસ્ત થતા સારવાર અર્થે ખસેડવામાં આવ્યા હતા. જે ઘટનાનાCCTV ફૂટેજ સામે આવ્યા હતા. ફાયરીંગની ઘટના સામે આવતા ડીંડોલી પોલોસ સ્થળ પર પહોંચી ફરિયાદ નોંધી તપાસ હાથ ધરી હતી.

જોકે, પિસ્તોલ સરખી કરવા જતા ફાયરીંગ થયું હોવાનું ફરિયાદમાં લખાવ્યું હતું. પરંતુCCTVમાં હવામાં 3 રાઉન્ડ ફાયરીંગ કર્યું હોવાનું સામે આવ્યું હતું. આ મામલે પોલીસે તાત્કાલિક ફાયરીંગ કરનાર ઉમેશ તિવારીની ધરપકડ કરી કાયદેસરની કાર્યવાહી હાથ ધરી છે. સમગ્ર મામલેDCPએ જણાવ્યું હતું કે, ફાયરીંગની ઘટનામાં સંતોષ દુબે અને બીરેન્દ્ર વિશ્વકર્માને ગોળી વાગી જતા ઈજાગ્રસ્ત થયા હતા, જ્યારે ફાયરીંગ કરનાર ઉમેશ તિવારીની ધરપકડ બાદ પૂછપરછમાં સામે આવ્યું હતું કે, તેની પાસે લાયસન્સવાળી પિસ્તોલ છે.

 હાલ પોલીસે આરોપી પાસે રહેલી લાઇસન્સ વાળી પિસ્તોલનું લાઇસન્સ રદ કરવાની કામગીરી હાથ ધરી છે, અને સમગ્ર મામલે ગુનો નોંધી આરોપીની ધરપકડ કરી કાયદેસરની કાર્યવાહી હાથ ધરી છે. એટલું જ નહીં, જેથી આ વિસ્તારમાં પોલીસે આરોપીનું સરઘસ પણ કાઢ્યું હતું. જેથી આગામી સમયમાં કોઈપણ વ્યક્તિ આ પ્રકારની ભૂલ ન કરે અને અન્યના જીવ જોખમમાં ન મુકે, ત્યારે હાલ તો પોલીસે આરોપી ઉમેશ તિવારીની ધરપકડ કરી કાયદેસરની કાર્યવાહી હાથ ધરી છે.