સુરત: ખટોદરા નજીક રિક્ષા ચાલકે અડફેટે લેતા યુવાનની નિપજયુ મોત, પોલીસે તપાસ શરૂ કરી

સુરત શહેરના ખટોદરા પાસે રીક્ષા ચાલકે અડફેટે લેતા યુવકનું મોત નીપજ્યું હતું.યુવક રોડ ક્રોસ કરી રહ્યો હતો ત્યારે પૂર ઝડપે આવી રહેલી રીક્ષા ચાલકે અડફેડે લેતા માથાના ભાગે ગંભીર ઇજાના પગલે યુવાનનું મોત નિપજયુ હતું

સુરત શહેરના માનદરવાજા રેલ રાહત કોલોનીમાં રહેતો 38 વર્ષીય ગણેશ બાબુ બોરસે ભેસ્તાન ખાતે કાપડના ખાતામાં કામ કરી પરિવારનું ગુજરાન ચલાવતો હતો. ગત રોજ સાંજના સમયે નોકરી પરથી ઘરે પરત ફરી રહ્યો હતો. દરમિયાન રોડ ક્રોસ કરતાં પૂર ઝડપે આવી રહેલી રીક્ષા ચાલકે અડફેટે લેતા માથાના ભાગે ગંભીર ઈજાઓ પહોંચી હતી. યુવકનું ઘટના સ્થળે જ મોત નીપજ્યું હતું.બીજી બાજુ ઘટનાને લઈ આજુબાજુના લોકો દોડી આવ્યા હતા. લોકોએ રીક્ષા ચાલકને પકડી પાડી પોલીસને સોપ્યો હતો. મૃતક ગણેશ બોરસે મૂળ મહારાષ્ટ્રના જલગાવનો વતની છે.પત્ની,બે પુત્રી એક પુત્ર સાથે રહેતો હતો. કપડાના કારખાનામાં કામ કરી પરિવારનું ગુજરાન ચલાવતો હતો. અચાનક પૂર ઝડપે આવી રહેલ રીક્ષા ચાલકે અડફેટે લેતા મોત નીપજવાથી ત્રણ બાળકોએ પિતાની છત્રછાયા ગુમાવી છે.ઘટનાને લઇ પરિવાર શોકમાં ગરકાવ થઈ ગયો છે. હાલ તો સમગ્ર ઘટનાને લઇ સલામતપુરા પોલીસે રીક્ષા ચાલકની અટકાયત કરી અકસ્માતનો ગુનો નોંધી કાર્યવાહી હાથ ધરી છે