સુરત : લગ્નની લાલચ આપી યુવતી સાથે 4 વર્ષ સુધી દુષ્કર્મ આચરનાર જિમ ટ્રેનરની અલથાણ પોલીસે કરી ધરપકડ...

• અલથાણ વિસ્તારમાં યુવતી સાથે દુષ્કર્મની ઘટના

• લગ્નની લાલચે યુવતી સાથે 4 વર્ષ દુષ્કર્મ આચરાયું

• શરીર સંબંધ બાંધ્યા બાદ યુવતીને તરછોડી દેવાઈ

• દુષ્કર્મ આચરનાર જિમ ટ્રેનરની પોલીસે કરી ધરપકડ

• જીમ ટ્રેનર વિરુદ્ધ દુષ્કર્મનો ગુનો નોંધી કાર્યવાહી શરૂ

સુરત શહેરના અલથાણ વિસ્તારમાં યુવતી સાથે લગ્ન લાલચ આપી દુષ્કર્મ આચરનાર જિમ ટ્રેનરની પોલીસે ધરપકડ કરી કાયદેસરની કાર્યવાહી હાથ ધરી છે. સુરત શહેર તથા જિલ્લામાં મહિલાઓની સુરક્ષા અને સલામતીને લઈને સવાલો ઉભા થયાં છે, ત્યારે સ્ત્રીઓની છબીને લાંછન લગાડતી વધુ એક ઘટના પ્રકાશમાં આવી છે. અલથાણ વિસ્તારમાં એક જિમ ટ્રેનરએ યુવતીને લગ્નની લાલચ આપી તેના સાથે વારંવાર દુષ્કર્મ આચર્યું હતું.

શરીર સંબંધ બાંધી તરછોડી દેનાર 25 વર્ષીય જીમ ટ્રેનર વ્યંકટેસ મોહતા વિરુદ્ધ યુવતીએ ફરિયાદ નોંધાવી હતી, ત્યારે પોલીસે નરાધમ જિમ ટ્રેનરની ધરપકડ કરી કાયદેસરની કાર્યવાહી હાથ ધરી છે. જીમ ટ્રેનર વ્યંકટેસ મોહતા ઇન્ટિરિયર ડિઝાઇનર યુવતીના ઘરે કસરત કરાવવા જતો હતો. જોકે, જિમ ટ્રેનરે લગ્નની લાલચ આપી 4 વર્ષ સુધી યુવતી સાથે અલગ અલગ જગ્યાએ શારીરિક સંબંધ બાંધ્યા હોવાનું પોલીસ તપાસમાં સામે આવ્યું છે, ત્યારે અલથાણ પોલીસે જીમ ટ્રેનર સામે દુષ્કર્મનો ગુનો નોંધી આગળની કાર્યવાહી હાથ ધરી છે.