સુરત : ઉનાળો શરૂ થતાં જ આરોગ્ય વિભાગ હરકતમાં આવ્યું, ઠંડા પીણાંની દુકાનો પર ચેકિંગ હાથ ધર્યું...

ઉનાળાની શરૂઆત થતાની સાથે જ સુરત મહાનગરપાલિકાનું આરોગ્ય વિભાગ હરકતમાં આવ્યું છે. આ ઋતુમાં ખાસ કરીને બજારોમાં ઠંડા પીણા અને વિવિધ ફ્રુટ જ્યુસ સહિત આઈસ્ક્રીમની ડિમાન્ડ વધુ જોવા મળતી હોય છે

author-image
By Connect Gujarat Desk in સુરત સમાચાર
New Update

  • ઉનાળો શરૂ થતા જ બજારો ઠંડા પીણાંથી ઉભરાયા

  • મહાનગરપાલિકાનું આરોગ્ય વિભાગ પણ થયું સતર્ક

  • લોકોના આરોગ્યની સુખાકારી માટે ચેકીંગ હાથ ધર્યું

  • વિવિધ વિસ્તરોની દુકાનોમાંથી નમૂના એકત્ર કરાયા

  • આરોગ્ય વિભાગના દરોડાથી અન્ય લોકોમાં ફફડાટ

Advertisment W3.CSS

 ઉનાળાની શરૂઆત થતાની સાથે જ બજારો ઠંડા પીણાંથી ઉભરાય છે, ત્યારે સુરત મહાનગરપાલિકાના આરોગ્ય વિભાગે લોકોના આરોગ્યની સુખાકારી માટે વિવિધ વિસ્તરોમાં ચેકીંગ હાથ ધર્યું હતું.

ઉનાળાની શરૂઆત થતાની સાથે જ સુરત મહાનગરપાલિકાનું આરોગ્ય વિભાગ હરકતમાં આવ્યું છે. આ ઋતુમાં ખાસ કરીને બજારોમાં ઠંડા પીણા અને વિવિધ ફ્રુટ જ્યુસ સહિત આઈસ્ક્રીમની ડિમાન્ડ વધુ જોવા મળતી હોય છે, ત્યારે માનપાના આરોગ્ય વિભાગની ટીમે ફૂડ સેફટી ટીમને સાથે રાખી વિવિધ વિસ્તારોમાં કાર્યાવહી હાથ ધરી હતી.

જેમાં 13 જેટલા વિવિધ સ્ટોલ પર દરોડા પાડવામાં આવ્યા હતા, જ્યાંથી આઇસ ડિશ, આઇસ ગોલા, ક્રીમ સહિતના 18 જેટલા નમૂનાઓ લેવામાં આવ્યા હતા. આ નમૂનાઓને પૃથ્થકરણ અર્થે લેબમાં મોકલવામાં આવ્યા છે. જેનો એક સપ્તાહ બાદ રિપોર્ટ આવશે. તો બીજી તરફ, આરોગ્ય વિભાગના દરોડાના પગલે અન્ય લોકોમાં પણ ફફડાટ ફેલાયો હતો.

#આરોગ્ય વિભાગ #સુરત આરોગ્ય વિભાગ #health department #Surat Health Department #cold drink
Related Articles
Read the Next Article

સુરત: બાંધકામ સાઇટ પર માતાની નજર સામે શ્વાન એક વર્ષની બાળકીને ખેંચી ગયું, પોલીસે ડ્રોન કેમેરાની મદદથી શોધખોળ શરૂ કરી

સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.

author-image
By Connect Gujarat Desk in સુરત સમાચાર
New Update

  • સુરતના કામરેજનો ચકચારી બનાવ

  • વાવ ગામે શ્વાન બાળકીને ખેંચી ગયું

  • માતા રસોઈ બનાવતી હતી એ દરમ્યાન બની ઘટના

  • હજુ સુધી બાળકીનો કોઈ પત્તો નહીં

  • પોલીસે ડ્રોન કેમેરાની લીધી મદદ

Advertisment W3.CSS
સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.કલાકોથી પોલીસ દ્વારા માસુમ બાળકીની શોધખોળ કરવામાં આવી રહી હોવા છતાં હજુ સુધી તેની કોઈ ભાળ મળી નથી ત્યારે ડ્રોન કેમેરાની પણ મદદ લેવામાં આવી રહી છે.
સુરત જિલ્લાના કામરેજના વાવ ગામ ખાતે રહેતા આંજુભાઈ તથા તેની પત્ની તીતાબેન મજુરી કામ કરી પરિવારનું ગુજરાન ચલાવે છે તેમને સંતાનમાં માત્ર એક વર્ષની બાળકી માયા છે.હાલમાં પતિ પત્ની વાવ ખાતે આવેલ બંસરી રિસોર્ટની બાજુમાં એક બાંધકામ સાઈટમાં કામ કરે છે અને ત્યાં જ ઝુંપડું બાંધી અન્ય મજૂરો સાથે વસવાટ કરે છે. મધ્યપ્રદેશમાં વતનમાં કામ હોવાથી આંજુભાઈ કામ અર્થે વતન ગયા હતા. આ દરમિયાન પત્ની તીતાબેન ગતરોજ રાત્રે ૧૦:૦૦ વાગ્યાના અરસામાં તેની માસુમ પુત્રી સાથે ઘરે બેઠી હતી.તીતાબેન પોતાના માટે જમવાનું બનાવતા હતા ત્યારે તેની એક વર્ષની પુત્રી માયાને બાજુમાં સુવડાવી હતી. આ દરમિયાન અચાનક જ એક શ્વાન દોડીને તેમની પાસે આવ્યું હતું અને તીતાબેનની નજર સામે જ એક વર્ષની બાળકી માયાને ખેંચીને ડોટ લગાવી હતી. જેથી તીતાબેન તેની પાછળ દોડી ગયા હતા અને બૂમાબૂમ કરતા આજુબાજુમાં રહેતા ૧૦૦ થી વધુ મજૂરો પણ શ્વાનની પાછળ ડોટ મૂકી હતી. શ્વાન આજુબાજુના ખેતરોમાંથી ભાગી ગયો હતો.
પોલીસે બાળકીને શોધવા ફાયર બ્રિગેડ અને ડોગ સ્કોડની પણ મદદ દીધી હતી. સવારથી ડોગ સ્કોર્ડ પણ ઘટના સ્થળે પહોંચી શ્વાન માસુમ બાળકીને કઈ બાજુ લઈને ભાગી ગયું છે તે દિશામાં પણ તપાસ હાથ ધરી છે .છતાં હજુ સુધી બાળકીનો કોઈ પતો મળ્યો નથી.પોલીસ દ્વારા ડ્રોન કેમેરાની પણ મદદ લેવામાં આવી છે.ઝાડી ઝાંખરામાં ડ્રોન થી ચર્ચ કરવામાં આવી રહ્યું છે.ઝડપથી બાળકીનો પત્તો લાગી સહી સલામત મળે તેવી પ્રાર્થના સ્થાનિકો કરી રહ્યા છે.
#CGNews #Search operation #police #missing #Attack #dog #child #mother #Surat