સુરત: સરથાણા વિસ્તારમાં ડુપ્લીકેટ ચીજવસ્તુઓ બનાવતી ફેકટરી પર પોલીસના દરોડા

સુરતના સરથાણા વિસ્તારમાં બ્રાન્ડેડ કંપનીના નામે ડુપ્લીકેટ ચીજવસ્તુઓનું ઉત્પાદન કરતી ફેકટરી પર પોલીસે દરોડા પાડી કાયદેસરની કાર્યવાહી હાથ ધરી છે.

સુરતમાં વધુ એક નકલી ફેક્ટરીનો પર્દાફાશ થયો છે,જ્યાં જાણીતી બ્રાન્ડેડ પ્રોડક્ટ્સ જેવા કે હાર્પિક અને ડેટોલ ડુપ્લીકેટ બનાવવામાં આવતાં હતા. ડેટોલના સાબુ, લીકવિડ અને હાર્પીકની ચીજવસ્તુઓનું નકલી ઉત્પાદન કરવામાં આવી રહ્યું હતું.પોલીસે કંપનીની મળેલી માહિતીના આધારે સરથાણા વિસ્તારમાં દરોડા પાડ્યા હતા અને ફેક્ટરીનો ભંડાફોડ કર્યો હતો.ચોંકાવનારી વાત તો એ છે કે પોલીસ દ્વારા પાડવામાં દરોડા દરમિયાન મોટી માત્રામાં નકલી ચીજવસ્તુઓ અને તે બનાવવા માટે વપરાતું રો-મટીરીયલ પણ જપ્ત કરવામાં આવ્યું હતું.ઉલ્લેખનીય છે કે આ ફેક્ટરી સરથાણા પોલીસ સ્ટેશનથી થોડા જ અંતરે ચાલતી હતી,જે વધુ ચિંતાનો વિષય છે.આ ફેક્ટરી ખોરાક અને ઔષધ નિયંત્રણ તંત્રની મંજૂરી વિના ચાલતી હતી.આ ઘટનાએ તંત્રની કાર્યક્ષમતા પર સવાલો ઉભા કર્યા છે અને આવા ગેરકાયદેસર કૃત્યો અટકાવવા માટે કડક કાર્યવાહી કરવાની જરૂર છે.