સુરત : સલાબતપુરા પોલીસ દ્વારા દિવાળી પર્વની અનોખી રીતે ઉજવણી, બાળકોને નવા કપડાં અને ફટાકડાનું વિતરણ કર્યું

સલાબતપુરા પોલીસ દ્વારા દિવાળી પર્વની આગોતરી ઉજવણી

ઢીંકાચિકા ચાર્લી સંસ્થાની દીકરીઓ સાથે અનોખી રીતે ઉજવણી

પોલીસે બાળકોને નવા કપડાં, સ્કૂલબેગ, ફટાકડાનું વિતરણ કર્યું

DCP ભગીરથસિંહ ગઢવી, સલાબતપુરા પોલીસની ઉપસ્થિતિ

બાળકો સાથેની દિવાળી પોલીસ કર્મીઓ માટે યાદગારભરી બની

સુરત શહેરની સલાબતપુરા પોલીસે ઢીંકાચિકા ચાર્લી સંસ્થાની દીકરીઓ સાથે દિવાળી પર્વની અનોખી રીતે ઉજવણી કરી હતી.

દિવાળી એ રોશનીનો પર્વ છે. સૌ કોઈ આ પર્વની ધામધૂમપર્વક ઉજવણી કરતા હોય છે, ત્યારે સુરત શહેરની સલાબતપુરા પોલીસ દ્વારા ઢીંકાચિકા ચાર્લી સંસ્થાની દીકરીઓ સાથે દિવાળી પર્વની અનોખી રીતે ઉજવણી કરવામાં આવી હતી. જેમાં પોલીસ દ્વારા બાળકોને નવા કપડાં, સ્કૂલબેગ, મીઠાઈ અને ફટાકડા આપી દિવાળીનું પ્રી-સેલિબ્રેશન કર્યું હતું. આ પ્રસંગે DCP ભગીરથસિંહ ગઢવી સહિત સલાબતપુરા પોલીસ મથકની સમગ્ર ટીમ ઉપસ્થિત રહી હતી. પોલીસે ઢીંકાચિકા ચાર્લી સંસ્થાની દીકરીઓને સાથે રાખી દિવાળીની ઉજવણી કરતાં પ્રસંગે તમામ લોકોનું મન મોહી લીધું હતું, ત્યારે ખરા અર્થામાં પોલીસની આ બાળકો સાથેની દિવાળી દરેક પોલીસ કર્મીઓ માટે યાદગારભરી સાબિત થઈ છે.