• હની ટ્રેપનો આતંક મચાવતી મશરૂ ગેંગ

• શહેરમાં હનીટ્રેપ કરતી 29 ગેંગ સક્રિય

• આ ભેજાબાજો દ્વારા 5 હજાર લોકોને કર્યા ટાર્ગેટ

• યુવતી સહિતની ગેંગે રત્નકલાકારને બનાવ્યો શિકાર

• અલગ અલગ ગેંગમાં 10થી વધુ યુવતીઓ સક્રિય

• પોલીસે ઘટનામાં શરૂ કરી તપાસ

સુરતના અમરોલીમાં રહેતા અને હીરાના વ્યવસાય સાથે સંકળાયેલા યુવકને એક યુવતી સહિત ત્રણ શખ્સોએ ભેગા મળી હનીટ્રેપનો શિકાર બનાવ્યો હતો.યુવકને બળાત્કાર અને ડ્રગ્સના કેસમાં ફસાવી દેવાની ધમકી આપી રૂપિયા એક કરોડની માંગણી કરી હતી અને તેનું અપહરણ કરી માર મારી તેમની પાસેથી એક મોબાઈલ તથા રૂપિયા 6 લાખ મળી કુલ રૂપિયા 6.15 લાખની લૂંટ કરી પૈસા પડાવી લીધા હતા. આ ઘટનામાં કતારગામ પોલીસે યુવતી સહિત કુલ 4 વ્યક્તિઓ સામે ગુનો દાખલ કરી વધુ તપાસ હાથ ધરી છે.

સુરતના અમરોલી વિસ્તારમાં કોસાડ ખાતે આવેલ સૃષ્ટિ રો હાઉસની પાછળ રહેતા 41 વર્ષીય બિપિન હીરાના વ્યવસાય સાથે સંકળાયેલા છે. ગત તારીખ 16 જુલાઈ 2025ના રોજ બપોરે સવા એકથી અઢી વાગ્યાના સમયગાળા દરમિયાન તેઓને એક મહિલા તથા ત્રણ શખ્સો ભેટી ગયા હતા. તેઓએ કતારગામ વિસ્તારમાં આંબા તલાવડી વડલા બસ પાર્કિંગમાં રોડ ઉપર મળવાના બહાને બોલાવી ધર્મિષ્ઠા ઉર્ફે રૂપા રાખોલીયાએ તેને બ્લેકમેલ કરી ધમકાવ્યા હતા.

આ ઉપરાંત તેની સાથે રહેલ સુમિત મશરૂ અને અમિત મશરૂ નામના યુવકો તથા અન્ય એક અજાણ્યા શખ્સે પણ તેમની સાથે ભેગા મળી બિપિન રૂડકીયાને બળાત્કારના કેસમાં તથા ડ્રગ્સના કેસમાં ફસાવી દેવાની ધમકી આપી રૂપિયા એક કરોડની માંગણી કરી હતી. બિપિને તેની પાસે રૂપિયા એક કરોડ ન હોવાનું કહેતા ધર્મિષ્ઠા તથા સુમિત અને અમિત ભેગા મળી બિપિન પાસેથી રૂપિયા 15,000નો મોબાઈલ તથા રોકડા રૂપિયા 6 લાખ મળી કુલ રૂપિયા 6.15 લાખની લૂંટ કરી હતી,અને પૈસા પચાવી પાડી ફરાર થઈ ગયા હતા. આ ઘટના અંગે બિપિને ફરિયાદ નોંધાવતા પોલીસે કતરગામમાં ગુનો દાખલ કરી વધુ તપાસ હાથ ધરી હતી.

પોલીસ તપાસમાં જાણવા મળ્યું છે હની ટ્રેપની માયાજાળ ફેલાવતી અલગ અલગ 29 જેટલી ગેંગ સક્રિય છે,અને આ ભેજાબાજોએ 5 હજાર લોકોને શિકાર બનાવ્યા હોવાનો ખુલાસો થયો છે.

બાઈટ :