સુરતના રીંગ રોડ પર સર્જાયો અકસ્માત
કાર ચાલકે બાઈક ચાલકને અડફેટે લેતા સર્જાયો અકસ્માત
વહેલી સવારે સર્જાયેલા અકસ્માતમાં બાઈક ચાલકનું ઘટના સ્થળે મોત
કાર ચાલક નશામાં હોવાની આશંકા વ્યક્ત કરાઈ
કારમાં થમ્સઅપની બોટલ,ગ્લાસ અને સિગરેટનું પેકેટ મળ્યા
કાર માંથી ભાજપનો ખેસ પણ મળ્યો
સુરત શહેરમાં રિંગ રોડ ઓવરબ્રિજ પર બેલગામ કારના ચાલકે બાઇકને અડફેટમાં લેતા અકસ્માત સર્જાયો હતો,અને સર્જાયેલી ઘટનામાં બાઈક પર સવાર યુવકનું ગંભીર ઇજાઓને કારણે ઘટના સ્થળ પર જ પ્રાણ પંખેરૂ ઉડી ગયું હતું.કાર ચાલક દારૂના નશામાં હોવાની હાલ આશંકા વ્યક્ત કરવામાં આવી છે.
સુરત શહેરના રિંગ રોડ ઓવરબ્રિજ પર એક સ્કોડા કારના ચાલકે કારને માતેલા સાંઢની માફક હંકારીને એક બાઈક ચાલકને અડફેટમાં લીધો હતો,સર્જાયેલા માર્ગ અકસ્માતમાં બાઈક પર સવાર 45 વર્ષીય સંજયકુમાર હરકિશન ધૂતનું ગંભીર ઇજાઓને પગલે ઘટના સ્થળ પરજ કરૂણ મોત નીપજ્યું હતુ.જાણવા મળ્યા મુજબ સંજયકુમાર પોતાના માતા-પિતાને રેલવે સ્ટેશન લેવા જતા હતા તે સમયે કાળનો કોળિયો બન્યા હતા,અને પુત્રનું મોત થતા પરિવારમાં ઘેરા શોકની કાલિમા છવાઈ ગઈ હતી.
આ ઘટનામાં કારચાલક દારૂના નશામાં હોવાની હાલ આશંકા વ્યક્ત કરવામાં આવી છે.અને કાર માંથી ભાજપનો ખેસ, પ્લાસ્ટિક ગ્લાસ, થમ્સઅપ અને સિગારેટનું પેકેટ પણ મળી આવ્યું હતું.
સ્કોડા કાર ફૂલ સ્પીડમાં હોવાથી અકસ્માત બાદ કાર ડિવાઇડર ઉપર ચઢી ગઈ હતી.ધડાકાભેર અકસ્માત થતા કારની એરબેગ પણ ખુલી ગઇ હતી. પોલીસ તપાસમાં કાર ચાલકનું નામ દેવ હોવાનું સામે આવ્યું છે અને તે ભાજપનો કાર્યકર હોવાની ચર્ચા પણ ચાલી રહી છે.અને પોલીસે આરોપી કાર ચાલકની ધરપકડ કરી છે.