ભારતમાં ઓનલાઈન સટ્ટાબાજીની એપ પર પ્રતિબંધ લાગી શકે છે, સરકાર લેવા જઈ રહી છે મોટો નિર્ણય..!

સરકારે ગુરુવારે ઑનલાઇન ગેમિંગ માટે નવા નિયમો જાહેર કર્યા છે. ઈલેક્ટ્રોનિક્સ અને ઈન્ફોર્મેશન ટેક્નોલોજી (Meity) મંત્રાલયના રાજ્ય મંત્રી રાજીવ ચંદ્રશેખરે નવા નિયમોની જાહેરાત કરી. નવા ગેમિંગ નિયમો ઓનલાઈન જુગાર અને સટ્ટાબાજીના પ્લેટફોર્મ પર કોઈપણ રમત પર સટ્ટાબાજીને પ્રતિબંધિત કરે છે. આ નિયમો અનુસાર તમામ ઑનલાઇન રમતો સ્વ-નિયમનકારી સંસ્થા (SRO) દ્વારા નક્કી કરવામાં આવશે.

માહિતી પ્રૌદ્યોગિકી રાજ્ય મંત્રી રાજીવ ચંદ્રશેખરે કહ્યું કે જુગાર અથવા સટ્ટાબાજી સાથે સંકળાયેલી ઓનલાઈન ગેમ્સ નવા ઓનલાઈન ગેમિંગ નિયમોના દાયરામાં આવશે. રાજ્ય મંત્રી ચંદ્રશેખરે કહ્યું કે અમે એક ફ્રેમવર્ક સાથે કામ કરી રહ્યા છીએ કે તમામ ઓનલાઈન ગેમિંગને SRO દ્વારા નિયંત્રિત કરવામાં આવશે. એટલે કે, રમતમાં જુગાર છે કે નહીં તે SRO નક્કી કરશે. તેમણે કહ્યું કે બહુવિધ SRO હશે, અને આ SROsમાં ઉદ્યોગ સહિત તમામ હિસ્સેદારોની ભાગીદારી હશે, પરંતુ તેના સુધી મર્યાદિત નહીં.

માહિતી પ્રૌદ્યોગિકી રાજ્ય મંત્રી રાજીવ ચંદ્રશેખરે જણાવ્યું હતું કે એક સ્વ-નિયમનકારી સંસ્થા દરેક રમત પર નજર રાખવા અને જજ કરવા માટે કામ કરશે. તેમણે કહ્યું કે એપમાં સટ્ટાબાજીનો સમાવેશ થાય છે કે કેમ તેના આધારે પરવાનગી નક્કી કરવામાં આવશે. જો સટ્ટાબાજી સામેલ હોય, તો SRO એ કહેવાની સ્થિતિમાં હશે કે તે ઓનલાઈન ગેમ્સને મંજૂરી નથી.