એપલ ફોલ્ડેબલ ફોન બનાવવાની તૈયારીમાં, લોન્ચ ટાઈમલાઈનથી લઈને પ્રોડક્શન સુધીની તમામ માહિતી અહીં વાંચો..

એપલ, વિશ્વભરમાં ટોચના સ્માર્ટફોન ઉત્પાદકોમાં ગણવામાં આવતી કંપની, તેના ગ્રાહકો માટે ફોલ્ડેબલ ફોન લોન્ચ કરવાની તૈયારી કરી રહી છે. તમને જણાવી દઈએ કે કંપની આ ફોનને 2027માં લોન્ચ કરી શકે છે. તમને જણાવી દઈએ કે આ ડિવાઈસ માત્ર Vision Proના એન્જિનિયરો દ્વારા જ બનાવવામાં આવશે. જેમ આપણે જાણીએ છીએ કે એપલે ગયા મહિને વિઝન પ્રો રજૂ કર્યો હતો અને હવે કંપનીએ ફોલ્ડેબલ સ્માર્ટફોન વિકસાવવા પર ધ્યાન કેન્દ્રિત કર્યું છે.

ફોલ્ડેબલ આઇફોનનું લોન્ચિંગ

કોરિયાની એક નવી સપ્લાય ચેઇન દાવો કરે છે કે Appleના ફોલ્ડેબલ આઇફોનનું લોન્ચિંગ 2027 સુધી ધકેલવામાં આવ્યું છે.

આ સાથે એવી માહિતી પણ સામે આવી છે કે વિઝન પ્રો પર કામ કરતા કેટલાક એન્જિનિયરોને ફોલ્ડિંગ iPhone અથવા iPad પ્રોજેક્ટ પર કામ કરવા માટે ટ્રાન્સફર કરવામાં આવ્યા છે.

એક રિપોર્ટમાં સામે આવ્યું છે કે ફોલ્ડેબલ આઇફોનનું લોન્ચિંગ 2026ના ચોથા ક્વાર્ટરથી 2027ના પહેલા ક્વાર્ટરની વચ્ચે થઈ શકે છે. જોકે, અગાઉ આ ફોન 2026ના અંત સુધીમાં લોન્ચ થવાનો હતો.

પરંતુ આ ફોલ્ડેબલ ડિસ્પ્લેના સપ્લાય સહિત અન્ય બાબતોની તૈયારીને ધ્યાનમાં લીધા બાદ લોન્ચની સમયમર્યાદા લંબાવવામાં આવી છે.

ફોલ્ડેબલ ફોન કેવો દેખાશે?

Apple ઓછામાં ઓછા બે ક્લેમશેલ-શૈલીના ફોલ્ડેબલ iPhone મોડલ્સના પ્રોટોટાઇપ વિકસાવી રહી હોવાના અહેવાલ છે.

કંપનીના પહેલા ફોલ્ડેબલ ફોનમાં 6 ઈંચની એક્સટર્નલ ડિસ્પ્લે અને 8 ઈંચની મેઈન ડિસ્પ્લે હશે.

કંપની એલજી ડિસ્પ્લે (એલજીડી) અને સેમસંગ ડિસ્પ્લે (એસડીસી) સાથે સપ્લાય ઓર્ડર પર ચર્ચા કરી રહી છે.