Samsung Galaxy S23 Ultra : જુઓ કેવો છે સેમસંગનો 200 મેગાપિક્સલ કેમેરાવાળો પહેલો ફોન.!
સેમસંગે સેમસંગ ગેલેક્સી અનપેક્ડ 2023માં સેમસંગ ગેલેક્સી S23 સીરીઝના ત્રણ ફ્લેગશિપ સ્માર્ટફોન લોન્ચ કર્યા છે
સેમસંગે સેમસંગ ગેલેક્સી અનપેક્ડ 2023માં સેમસંગ ગેલેક્સી S23 સીરીઝના ત્રણ ફ્લેગશિપ સ્માર્ટફોન લોન્ચ કર્યા છે જેમાં ગેલેક્સી એસ23, ગેલેક્સી એસ23 પ્લસ અને ગેલેક્સી એસ23 અલ્ટ્રાનો સમાવેશ થાય છે. સેમસંગ ગેલેક્સી S23 રિસાયકલ કરેલ સામગ્રી સહિત ઘણા ફેરફારો સાથે રજૂ કરવામાં આવ્યું છે. સેમસંગે ગેલેક્સી એસ23 અલ્ટ્રામાં 200-મેગાપિક્સલનો પ્રાઈમરી રીઅર કેમેરા આપ્યો છે, જ્યારે ગેલેક્સી એસ23, ગેલેક્સી એસ23 પ્લસમાં 50-મેગાપિક્સલનો પ્રાઈમરી રીઅર કેમેરા સેટઅપ ઉપલબ્ધ છે. આમાંથી, અમે થોડા સમય માટે Samsung Galaxy S23 Ultra નો ઉપયોગ કર્યો છે. ચાલો તસવીરોમાં જોઈએ કે કેવો છે સેમસંગનો આ નવો ફોન...
Galaxy S23 Ultra ની ડિઝાઇનમાં કોઈ નોંધપાત્ર ફેરફાર નથી, જોકે કેમેરા બમ્પ Galaxy S22 Ultra કરતા થોડો વધારે છે. કેમેરા બમ્પ રિંગ થોડી મોટી છે. Galaxy S23 Ultra સાથે કર્વ્ડ ડિસ્પ્લે આપવામાં આવી છે. Galaxy S23 Ultraને ચાર રંગોમાં રજૂ કરવામાં આવ્યો છે. સેમસંગે ગયા વર્ષે સેમસંગ ગેલેક્સી એસ22 અલ્ટ્રામાં સૌપ્રથમ એસ પેન આપ્યો હતો. ફોનને ફેન્ટમ બ્લેક, ગ્રીન, ક્રીમ અને લવંડર કલરમાં ખરીદી શકાય છે.
Galaxy S23 Ultraમાં પાછળ ચાર કેમેરા છે જેમાં પ્રાથમિક લેન્સ 200-megapixel ISOCELL HP2 સેન્સર છે. બીજો લેન્સ 12-મેગાપિક્સલનો અલ્ટ્રા-વાઇડ સેન્સર છે અને અન્ય બે લેન્સ 10-10 મેગાપિક્સલના છે, જેમાંથી એક ટેલિફોટો લેન્સ છે. ફોનમાં 12 મેગાપિક્સલનો ફ્રન્ટ કેમેરા છે. કેમેરા સાથે ઓપ્ટિકલ ઇમેજ સ્ટેબિલાઇઝેશન (OIS) અને VDIS ઉપલબ્ધ હશે. કેમેરા સાથે 100X સ્પેસ ઝૂમ ઉપલબ્ધ થશે અને એસ્ટ્રો હાઇપરલેપ્સ ઉપલબ્ધ થશે. આગળના કેમેરાથી 60fps પર વિડિયો રેકોર્ડિંગ પણ કરી શકાય છે. Galaxy S23 અલ્ટ્રા કેમેરા સાથે 8K વિડિયો રેકોર્ડિંગ ઉપલબ્ધ છે.
