ચોમાસા દરમિયાન ભારતમાં આવેલા આ ધોધની સુંદરતાને માણવા માટે,અવશ્ય લો આ જગ્યાની મુલાકાત

કહેવાય છે કે વરસાદની મોસમ પ્રકૃતિની સુંદરતામાં વધારો કરે છે. આ સિઝનમાં ચારેબાજુ હરિયાળી જ જોવા મળે છે. માટે ચોમાસું લોકો કુદરતી વાતાવરણમાં ફરવા જવાનું વધારે પસંદ કરતાં હોય છે. ઘણા લોકો ગરમીથી રાહત મેળવવા માટે આ ખુશનુમા વાતાવરણમાં મુસાફરી કરવાનું આયોજન કરે છે. વરસાદની મોસમમાં ધોધની સુંદરતા પણ ઘણી અદભુત હોય છે. અને માટે ભારતમાં ઘણા એવા ધોધ આવેલા છે કે જે જગ્યાઓ પર લોકો જવાનું પસંદ કરતાં હોય છે.

જો તમે પણ ધોધની મુલાકાત લેવાનું વિચારી રહ્યા છો, તો આજે અમે તમને આવા જ કેટલાક ધોધ વિશે જણાવીશું, જે બહુ ઓછા લોકો જાણે છે, પરંતુ તેમની સુંદરતાના કારણે હવે લોકોનું ધ્યાન પોતાની તરફ ખેંચે છે.

નોહકાલીકાઈ ધોધ, મેઘાલય :-

આને સેવન સિસ્ટર્સ ફોલ્સ તરીકે પણ ઓળખાય છે, તે ભારતનો સૌથી ઊંચો ધોધ છે, જે ઘણી બધી ટેકરીઓથી 700 મીટર 2,300 ફૂટ ઊંચે આવે છે.

નુરાનાંગ ધોધ, અરુણાચલ પ્રદેશ :-

આ ધોધ અરુણાચલ પ્રદેશના તવાંગ જિલ્લામાં આવેલો છે. 100 મીટર (330 ફૂટ) ની ઉંચાઈ પરથી પડતો ધોધ તેના અદભૂત સફેદ પાણી માટે જાણીતો છે.

ધુઆંધર ધોધ, મધ્યપ્રદેશ :-

આ ધોધ મધ્યપ્રદેશના જબલપુર પાસે છે. તે 300 મીટરની ઉંચાઈ એટલે કે લગભગ 1,000 ફૂટ પરથી પડતા સુંદર લીલા પાણી માટે જાણીતું છે. ઊંચાઈ પરથી પડવાને કારણે તેમાંથી નીકળતો ધુમાડો લોકોને આકર્ષિત કરે છે.

તિરથગઢ ધોધ, છત્તીસગઢ :-

આ ધોધ છત્તીસગઢના બસ્તર જિલ્લામાં આવેલો છે, અને તે પડદા જેવા દેખાતા ધોધના અનેક સ્તરો માટે જાણીતો છે.

ચિત્રકૂટ ધોધ, છત્તીસગઢ :-

આ ધોધ છત્તીસગઢના જગદલપુર જિલ્લામાં સ્થિત છે અને તેની પ્રાકૃતિક સુંદરતા માટે જાણીતો છે. આમાં ઈન્દ્રાવતી નદી 95 મીટર 312 ફૂટની ઊંચાઈથી પડે છે.

હોગેનક્કલ ધોધ, તમિલનાડુ :-

આ ધોધ તમિલનાડુ અને કર્ણાટકની સરહદ પર કાવેરી નદી પર સ્થિત છે. તે એક લોકપ્રિય પર્યટન સ્થળ છે અને તેના સુંદર દ્રશ્યો અને તાજા પાણી માટે જાણીતું છે.

ઇરુપુ ધોધ, કર્ણાટક :-

આ ધોધ કર્ણાટકના કુર્ગ જિલ્લામાં સ્થિત છે અને તેની આશ્ચર્યજનક સુંદરતા માટે જાણીતો છે. અહીંનું પાણી 253 મીટર 830 ફૂટ ની ઊંચાઈથી પડે છે અને ધોધ લીલાછમ જંગલોથી ઘેરાયેલો છે.