વડોદરા : રાષ્ટ્રીય એકતા દિવસની ઉજવણીના ભાગરૂપે કર્મયોગીઓએ શપથ ગ્રહણ કર્યા.

વડોદરા કલેક્ટર અને જિલ્લા પંચાયત સહિત શહેર જિલ્લાની તમામ કચેરીઓમાં રાષ્ટ્રીય એકતા દિવસ નિમિત્તે અધિકારી કર્મયોગીઓએ શપથ ગ્રહણ કર્યા હતા.

તા. ૩૧ ઓકટોમ્બરના દિવસે સરદાર વલ્લભભાઈ પટેલની જન્મ જયંતિ નિમિત્તે “રાષ્ટ્રીય એકતા દિવસ” તરીકે ઉજવણી કરવામાં આવે છે. આ પર્વની ઉજવણીના ભાગરૂપે વડોદરા શહેર જિલ્લાની તમામ સરકારી કચેરીઓમાં અધિકારીઓ અને કર્મયોગીઓએ રાષ્ટ્રીય એકતા દિવસ નિમિત્તે દેશની એકતા અને અખંડિતતા માટે શપથ લીધા હતા.

વડોદરા કલેકટર કચેરી ખાતે કોન્ફરન્સ હોલમાં કલેકટર  બીજલ શાહ, નિવાસી અધિક કલેકટર ડો. બી.એસ.પ્રજાપતિ સહિત કચેરીના સૌ અધિકારીઓ તેમજ જિલ્લા પંચાયત ખાતે જિલ્લા વિકાસ અધિકારી  મમતા હિરપરા સહિત તમામ શાખાધિકારીઓ અને કર્મચારીઓ દ્વારા શપથ લેવામાં આવ્યા હતા. આ સાથે જિલ્લાની તમામ સરકારી કચેરીઓના અધિકારીઓ અને કર્મયોગીઓ રાષ્ટ્રીય એકતા દિવસ નિમિત્તે દેશની એકતા અને અખંડિતતા માટે સંકલ્પબદ્ધ થયા હતા.