વડોદરા : વૃદ્ધને ડિજિટલ એરેસ્ટ કરી કરોડો રૂપિયાની ઠગાઇ કરનાર એજન્ટ સુરતથી ઝડપાયો...

વૃદ્ધને મની લોન્ડરિંગના નામે ધમકી આપ્યા બાદ મુંબઈના DCP અને સુપ્રીમ કોર્ટના વકીલ રાકેશના નામે વાતચીત કરી 45 દિવસ સુધી ડિજિટલ એરેસ્ટ રાખીને રૂ. 1.58 કરોડ પડાવી લેવામાં આવીઆ હતા

New Update
  • શહેરમાં ડિજીટલ એરેસ્ટના બનાવનો પર્દાફાશ થયો

  • સોશિયલ મીડિયાના મધ્યમથી વૃદ્ધ ડિજિટલ એરેસ્ટ

  • 45 દિવસ સુધી વૃદ્ધને ઘરમાં ડિજિટલ એરેસ્ટ કરાયા

  • વૃદ્ધ પાસેથી ભેજાબાજોએ રૂ. 1.58 કરોડ પડાવી લીધા

  • સાયબર ક્રાઇમે ગુન્હા સંડોવાયેલ આરોપીને દબોચ્યો

Advertisment

વડોદરા શહેરના વૃદ્ધને ડિજિટલ એરેસ્ટ કરી રૂ. 1.58 કરોડ પડાવી લેવાના બનાવમાં બેંક એકાઉન્ટની વ્યવસ્થા કરી આપનાર સુરતના એજન્ટને પોલીસે ઝડપી પાડ્યો છે. વડોદરા શહેરના વૃદ્ધને મની લોન્ડરિંગના નામે ધમકી આપ્યા બાદ મુંબઈના DCP અને સુપ્રીમ કોર્ટના વકીલ રાકેશના નામે વાતચીત કરી 45 દિવસ સુધી ડિજિટલ એરેસ્ટ રાખીને રૂ. 1.58 કરોડ પડાવી લેવામાં આવ્યા હોવાનો બનાવ બનતા વડોદરા સાઇબર ક્રાઇમમાં ફરિયાદ નોંધાય હતી.

આ બનાવમાં સુરત પોલીસે એક આરોપીને ઝડપી પાડ્યો હતો. વૃદ્ધના રૂપિયા અન્ય બેન્ક એકાઉન્ટમાં ટ્રાન્સફર કરવા માટે સુરતના એક એજન્ટની મહત્વની ભૂમિકા હતી. તેણે જુદા-જુદા 5 બેન્ક એકાઉન્ટ બનાવી તેમાં જમા થયેલી રકમ ત્રાહિત વ્યક્તિને ટ્રાન્સફર કરવાનું કામ કર્યું હતું.

જેના બદલામાં તમામ બેંક એકાઉન્ટ ધારકો અને એજન્ટને કમિશન મળ્યું હતું. વડોદરા સાયબર સેલે આ કિસ્સામાં બેન્ક એકાઉન્ટની સવલત કરી આપનાર અને તેને ઓપરેટ કરનાર સુરતના મોહમ્મદ અલશેફ અયુબ સૈયદની ધરપકડ કરી છે.

પોલીસની પ્રાથમિક તપાસમાં બેંક એકાઉન્ટમાંથી રકમો ટ્રાન્સફર કરતા આ એજન્ટે ઉપયોગમાં લીધેલા બેંક એકાઉન્ટમાં 15 લાખનું ટ્રાન્જેક્શન થયું છે. જેના વિરુદ્ધ અન્ય 3 ફરિયાદો પણ નોંધાય છે.

Latest Stories