વડોદરા: ભાયલીના ચકચારી સામુહિક દુષ્કર્મના આરોપીઓના ત્રણ દિવસના રિમાન્ડ મંજુર કરતી કોર્ટ

ભાયલીના ચકચારી સામૂહિક દુષ્કર્મનો મામલો

SITની ટીમ દ્વારા તપાસનો ધમધમાટ શરૂ કરાયો

મામલતદાર સમક્ષ ત્રણેય આરોપીઓની ઓળખ પરેડ

કોર્ટે આરોપીઓના ત્રણ દિવસના રિમાન્ડ કર્યા મંજુર   

કોર્ટ સંકુલમાં સર્જાયો તંગદિલી ભયો માહોલ 

આરોપીઓને ફાંસીની સજાની માંગ કરાઈ 

વડોદરાના ભાયલીમાં થયેલ સગીરા પર ગેંગરેપ કેસમાં તપાસ તેજ કરવામાં આવી છે. અને તપાસ માટે SITનું ગઠન કરવામાં આવ્યું છે.જ્યારે આરોપીની મામલતદાર સમક્ષ ઓળખ પરેડ બાદ કોર્ટમાં રજૂ કરવામાં આવ્યા હતા,જેમાં કોર્ટે ત્રણ દિવસના રિમાન્ડ મંજૂર કર્યા હતા.

વડોદરાના ભાયલી ખાતે સગીર યુવતી સાથે દુષ્કર્મની ઘટના ઘટી હતી.જોકે ઘટનાના આરોપીઓને પોલીસે ઝડપી પાડીને આગળની કાર્યવાહી હાથ ધરી છે. ત્યારે આ ઘટનાને લઇ તપાસ માટે સ્પેશિયલ ઇન્વેસ્ટિગેશન ટીમની રચના કરવામાં આવી છે. જેમાં DYSP, 2 PI, 2 PSI, 4 અનુભવી રાઈટરનો ટીમમાં સમાવેશ કરવામાં આવ્યો છે.ત્યારે આ ટીમને તપાસમાં કોઇ ક્ષતિ ન રહે તે માટે જિલ્લા પોલીસ વડા દ્વારા મોનીટરીંગ કરવામાં આવશે.વધુમાં ગેંગરેપનો મામલાને લઈ આરોપીઓને ઓળખ પરેડ માટે કોઠી કચેરી લાવવામાં આવ્યા હતા. જેમાં મામલતદાર સમક્ષ આરોપીઓને રજૂ કરીને ઓળખ પરેડ કરવામાં આવી હતી.અને ત્યાર બાદ આરોપીઓને કોર્ટમાં રજૂ કરવામાં આવ્યા હતા.કોર્ટ દ્વારા આરોપીઓના ત્રણ દિવસના રિમાન્ડ મંજૂર કરવામાં આવ્યા હતા.જ્યારે આ ઘટનામાં લોકો દ્વારા આ આરોપીઓને ફાંસીના માંચડે લટકાવી દેવાની માંગ પણ કરવામાં આવી છે.