NEET અનેNETની પરીક્ષામાં ગેરરીતીને લઇનેCBI તપાસની માંગ સાથે વડોદરાની કોમર્સ ફેકલ્ટી બહારNSUIએ ચક્કાજામ કરી ઉગ્ર વિરોધ પ્રદર્શન કર્યું હતું. જેને લઈ સયાજીગંજ પોલીસે 10 જેટલા કાર્યકરોની અટકાયત કરી હતી.

દેશભરમાંNEET અનેNETની પરીક્ષામાં થયેલી ગેરરીતીને લઇને વિરોધ થઈ રહ્યો છે, ત્યારે વડોદરા શહેરની કોમર્સ મેઇન બિલ્ડિંગ ખાતેNSUIના કાર્યકરોએ એકત્ર થઈNEET અનેNETની પરીક્ષામાં થયેલી ગેરરીતીને લઇને ઉગ્ર સૂત્રોચ્ચારો કર્યા હતા.“ભાજપ હાય હાય...” અને“મોદી હાય હાય...”ના નારા લગાવીNSUIના કાર્યકરોએ રોડ પર ચક્કાજામ કર્યો હતો. આ સાથે જNSUIના કાર્યકરો બસ પર ચઢ્યા તો કેટલાક કાર્યકરો રોડ પર સૂઇ ગયા હતા.

જેના પગલે મેઇન રોડ પર વાહન વ્યવહાર થંભી ગયો હતો. સયાજીગંજ પોલીસે કાર્યકરોને પકડવાના પ્રયાસ શરૂ કર્યાં હતા. જોકે, કાર્યકરોએ એકબીજાને પકડીને સાંકળ બનાવી દીધી હતી. જેથી પોલીસને પરસેવો પડી ગયો હતો. ભારે જહેમત બાદ પોલીસે કાર્યકરોને છૂટ્ટા પાડ્યા હતા, અને ટીંગાટોળી કરીને 10 જેટલા કાર્યકરોની અટકાયત કરી હતી. આ મામલે વડોદરાNSUIના પ્રમુખ અમર વાઘેલાએ જણાવ્યું હતું કે, NEET અનેNETની પરીક્ષામાં ધાંધિયા થયા છે, અને પેપર લીક થયું છે. પહેલા ગુજરાત સરકાર આમાં નિષ્ફળ હતી અને હવે કેન્દ્ર સરકાર પણ આમાં નિષ્ફળ રહી છે. 30 લાખ વિદ્યાર્થીઓનું ભવિષ્ય ખોરવાયું છે. જેથી આજે અમે ચક્કાજામ કરીનેNSUIની માંગ કરી છે કે, ફરીથી પરીક્ષા થવી જોઇએ અને જ્યાં સુધી વિદ્યાર્થીઓને ન્યાય નહીં મળે ત્યાં સુધી વિરોધ પ્રદર્શન કરવામાં આવશે તેવીNSUI દ્વારા ચીમકી ઉચ્ચારવામાં આવી છે.