• રાજ્યમાં રોડ, બ્રિજ, કેનાલ, ડેમ જેવા સેંકડો જાહેર બાંધકામ

• જાહેર બાંધકામોની ગુણવત્તા જળવાય તે બન્યું છે અનિવાર્ય

• ગુણવત્તા અને નિયત માપદંડોનું અનુસરણ પર જરૂરી બન્યું

• ગુજરાત એન્જિનિયરીંગ રિસર્ચ ઈન્સ્ટીટ્યૂટ દ્વારા સંસોધન કાર્ય

• 6.14 લાખ નમૂનાઓ ચકાસી બહેતર ગુણવત્તા સુનિશ્ચિત કરી

ગુજરાત રાજ્યમાં રોડ-રસ્તા, બ્રિજ, કેનાલ, ડેમ જેવા સેંકડો જાહેર બાંધકામ થાય છે. આ જાહેર બાંધકામોની ગુણવત્તા જળવાય અને નિયત માપદંડોનું અનુસરણ થાય તે માટે વડોદરા સ્થિત ગુજરાત એન્જિનિયરીંગ રિસર્ચ ઈન્સ્ટીટ્યૂટ દ્વારા સંસોધન કાર્ય કરવામાં આવી રહ્યું છે.

રાજ્યમાં જાહેર બાંધકામોમાં ગુણવત્તા-જાળવણી એ મોટો પડકાર છે. આ પડકાર ઝીલે છે વડોદરા સ્થિત ગુજરાત એન્જિનિયરિંગ રિસર્ચ ઈન્સ્ટીટ્યૂટ કે જે, ગેરી (GERI)ના ટૂંકા નામે ઓળખાતી આ સંસ્થા જાહેર બાંધકામોના પરિક્ષણમાં મહત્વપૂર્ણ યોગદાન આપે છે. ગુજરાતમાં માળખાગત સુવિધાઓ એટલે કે, પબ્લીક ઈન્ફ્રાસ્ટ્રક્ચરને મજબૂતી બક્ષવાનું કામ આ સંસ્થા કરે છે. ગેરી (GERI)ના કારણે રાજ્યમાં સાર્વજનિક અને ખાનગી એમ બંને પ્રકારની નિર્માણ પરિયોજનાઓમાં ચોક્કસ માપદંડ જાળવવાનું આસાન બને છે.

જોકે, છેલ્લા 4 વર્ષમાં આ સંસ્થાએ 6 લાખ 14 હજાર જેટલા નમૂનાઓની ચકાસણી કરી બહેતર ગુણવત્તા સુનિશ્ચિત કર્યા છે. એટલું જ નહીં, તેના કારણે રાજ્ય સરકારને રૂ. 184 કરોડની આવક પણ થઈ છે. ગેરીની આધુનિક પ્રયોગ શાળાઓમાં ગોત્રીની પ્રયોગ શાળાનો પણ સમાવેશ થાય છે.

અહિં અનેક પ્રકારના પરિક્ષણ માટેની સુવિધાઓ ઉપ્લબ્ધ છે. રસપ્રદ બાબત એ છે કે, રાજ્યમાં નિર્માણ પામતા ડેમ સંદર્ભે પ્રથમ ગેરી પરિસરમાં સેમ્પલ મોડલ તૈયાર થાય છે. સાઈટ પર ડેમનું નિર્માણ કરવામાં આવે તે પહેલા અનેક પ્રકારના પરિક્ષણ અહીં થાય છે.

ગુજરાતમાં માળખાગત સુવિધાઓના વિકાસના પગલે ગેરીનું મહત્વ વધી રહ્યું છે. આ સંસ્થામાં વર્ષ 2021-22માં 1 લાખ નમૂનાઓ તપાસવામાં આવ્યા છે. જેના પગલે સંસ્થાને 30 કરોડ રૂપિયાની આવક પણ થઈ છે. ગેરીમાં છેલ્લા 3 વર્ષમાં વ્યાપક સંખ્યામાં નમૂનાઓનું પરિક્ષણ કરવામાં આવ્યું છે. જેમાં માટી પરીક્ષણ, કોંક્રિટ ડિઝાઈન અને ડામરનો સમાવેશ થાય છે.

જાન્યુઆરી, 2024-25માં પરિક્ષણ માટેના નમૂનાઓનો આંક 1 લાખ 90 હજારે પહોંચ્યો છે. જેથી આવકનો આંક પણ રૂ. 57 કરોડે પહોંચ્યો છે. અત્રે ઉલ્લેખનીય છે કે, ગુજરાતમાં પબ્લીક ઈન્ફ્રાસ્ટ્રકચર વિકસી રહ્યું છે, ત્યારે આ ઈન્સ્ટીટ્યૂટની ભૂમિકા વધુ મહત્વની બની છે.