વડોદરા: સ્ટાર ઓલરાઉન્ડર અક્ષર પટેલ લગ્નગ્રંથીથી જોડાયા, જુઓ કોની સાથે લીધા સપ્તપદીના ફેરા

ભારતીય ક્રિકેટ ટીમના ઓલરાઉન્ડર અક્ષર પટેલ ગર્લફ્રેન્ડ મેહા પટેલ સાથે લગ્નગ્રંથીથી જોડાયા હતા. વડોદરામાં તેમના ભવ્ય લગ્ન સમારોહનું આયોજન કરવામાં આવ્યું હતું.

ભારતીય ક્રિકેટ ટીમના ઓલરાઉન્ડર અક્ષર પટેલ ગુરુવારે વડોદરામાં લગ્નના બંધનમાં બંધાઈ ગયા છે. તેમણે ગર્લફ્રેન્ડ મેહા પટેલ સાથે લગ્ન કર્યા છે. બંનેની સગાઈ ગયા વર્ષે 20 જાન્યુઆરીના રોજ થઈ હતી.એ દિવસે અક્ષર પટેલનો જન્મદિવસ હતો.મેહા ડાયટિશિયન અને ન્યૂટ્રિશિનિસ્ટ છે.આ સિવાય તે સોશિયલ મીડિયા પર પણ ખૂબ જ એક્ટિવ રહે છે.અક્ષર-મેહાના લગ્નમાં મોહમ્મદ કેફ, જયદેવ ઉનડકટ સહિત અનેક ક્રિકેટર પણ આવ્યા હતા. અક્ષર પટેલના લગ્નમાં મોટી સંખ્યામાં લોકો પણ જોવા મળ્યા હતા.

શાહી અંદાજમાં લગ્ન સમારોહનું આયોજન કરવામાં આવ્યું હતું. અક્ષર પટેલના વરઘોડા અને લગ્ન પ્રસંગના વિવિડ્યો તેમજ તસ્વીરો પણ બહાર આવી છે.અક્ષરે લગ્ન માટે હાલ ન્યૂઝીલેન્ડ સિરીઝમાંથી બ્રેક લીધો છે. જાડેજાને ઈજા પહોંચ્યા પછી સતત અક્ષર ભારતીય ટીમનો ભાગ રહ્યો છે. પટેલે આ વર્ષની શરૂઆતમાં શ્રીલંકા વિરુદ્ધ ટી20 અને વન-ડે મેચની સિરીઝ રમી હતી.