વડોદરા : સરસ્વતી કોમ્પ્લેક્સ સેવાસદન ગાર્ડનની સામે ઓરડીમાં યુવકનો મૃતદેહ મળી આવતા સમગ્ર પંથકમાં ચકચાર...

વડોદરાના માંજલપુર વિસ્તાર ખાતે આવેલ સરસ્વતી કોમ્પ્લેક્સ સેવાસદન ગાર્ડનની સામે ઓરડીમાં યુવકની લાશ મળતા સમગ્ર વિસ્તારમાં ચકચાર મચી જવા પામી હતી, જ્યારે ઘટનાની જાણ પોલીસને થતાં ગણતરીની કલાકોમાં જ હત્યારાની પોલીસ દ્વ્રારા ધરપકડ કરવામાં આવી હતી.

મળતી માહિતી અનુસાર માંજલપુર પોલીસ સ્ટેશન હદ વિસ્તારમાં આવેલ વડોદરા સરસ્વતી કોમ્પલેક્ષ ચાર રસ્તા સામે સેવાસદનના બગીચાની ઓરડીમાંથી યુવાનની લાશ મળી આવતા ચકચાર મચી જવા પામી હતી. ઘટનાની જાણ માંજલપુર પોલીસને થતા તેઓ મુસ્તાક તથા ડીસીપી ઝોન 3 ના અધિકારી લીના પાટીલ સ્થળ ઉપર દોડી આવ્યા હતા અને વધુ તજવીજ હાથ ધરવામાં આવી હતી. જો કે પોલીસે ગણતરીની કલાકોમાં જ હત્યારાને ઝડપી પાડ્યો હતો. ત્યારે હત્યારાએ પોલીસને સમગ્ર વિગતો જણાવી હતી. જેમાં હત્યારાએ જણાવ્યુ હતું કે મૃત યુવકનું નામ તેજલ છે જે 22 વર્ષનો અને મૂળ આસામનો રહેવાસી હતો, જે ગ્લોબલ સનસાઈન હોસ્પિટલમાં વેઇટર તરીકે નોકરી કરતો હતો, જ્યારે તે પોતે પણ તેના જ ગામનો સેફુલ ઇસ્લામ તેની સાથે જ ગ્લોબલ સનશાઈન હોસ્પિટલમાં વેઇટર તરીકે નોકરી કરતો હતો, કામ પ્રત્યે ઈર્ષાના કારણે સેફુલ ઇસ્લામે તેની સાથે કામ કરતાં તેજલનું મર્ડર કર્યું હોવાની કબૂલાત કરી હતી. ત્યારે આ સમગ્ર મામલે પોલીસે મર્ડર કરનાર સેફુલ ઇસ્લામને ઝડપી પાડી વધુ તજવીજ હાથ ઘરી છે.