મેક્સિકોમાં હવામાં ઉડતા હોટ એર બલૂનમાં લાગી આગ, લોકો જીવ બચાવવા બલૂનમાંથી કૂદી પડ્યા

મેક્સિકોનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આમાં એક હોટ એર બલૂન હવામાં ઉડી રહ્યો છે અને તેમાં અચાનક આગ લાગી ગઈ હતી. આ દરમિયાન કેટલાક લોકો પોતાનો જીવ બચાવવા માટે બલૂનમાંથી નીચે કૂદતા જોવા મળે છે. પ્રાદેશિક સરકારે જણાવ્યું હતું કે આ ઘટના શનિવાર, 1 એપ્રિલના રોજ મેક્સિકો સિટી નજીક પ્રખ્યાત ટિયોતિહુઆકન પુરાતત્વીય સ્થળની નજીક બની હતી. આ અકસ્માતમાં આગ લાગવાથી બે લોકોના મોત થયા હતા.

મેક્સિકો રાજ્ય સરકારે કહ્યું કે કેટલાક મુસાફરોએ બલૂનમાંથી કૂદકો માર્યો હતો. આ અકસ્માતમાં એક બાળક પણ દાઝી ગયો હતો. મૃતકોની ઓળખ 39 વર્ષીય મહિલા અને 50 વર્ષીય પુરુષ તરીકે થઈ છે. આ અકસ્માતમાં એક બાળકનો ચહેરો આગથી સંપૂર્ણ રીતે દાઝી ગયો હતો. આ સાથે તેના જમણા પગમાં પણ ફ્રેક્ચર થયું હતું.