નેપાળ ફ્રાંસ બાદ હવે લંડનમાં 1 લાખથી વધુ પ્રદર્શનકારીઓએ રસ્તા પર ઉતરી આવ્યા

નેપાળ અને ફ્રાંસ પછી બ્રિટનમાં પણ સરકારની વિરુદ્ધ વિરોધ પ્રદર્શન થયું. ગઈકાલે લંડનમાં સેન્ટ્રલ વિસ્તારમાં એન્ટી-ઇમિગ્રેશન એક્ટિવિસ્ટ ટોમી રોબિન્સનના નેતૃત્વમાં લગભગ 1 લાખથી વધુ પ્રદર્શનકારીઓએ વિરોધ પ્રદર્શન કર્યું. પોલીસે જણાવ્યું કે આ દરમિયાન ઘણા પોલીસ અધિકારીઓ પર હુમલો પણ કરવામાં આવ્યો. આ વિરોધ પ્રદર્શન 'યુનાઇટ ધ કિંગડમ' માર્ચના નામે આયોજિત કરવામાં આવ્યું હતું, જેમાં લગભગ 1 લાખ 10 હજાર લોકોએ ભાગ લીધો હતો. 

આ પ્રદર્શનનો હેતુ બ્રિટનમાં ગેરકાયદેસર ઇમિગ્રેશન સામે અવાજ ઉઠાવવાનો હતો. પ્રદર્શનકારીઓ માગ કરી રહ્યા હતા કે ગેરકાયદેસર ઇમિગ્રન્ટ્સને દેશમાંથી બહાર કાઢવામાં આવે.

પોલીસે જણાવ્યું કે પ્રદર્શન દરમિયાન અનેક અધિકારીઓ પર હુમલો કરવામાં આવ્યો. તેના જવાબમાં, વધારાના પોલીસ દળો તૈનાત કરવામાં આવ્યા. સુરક્ષા સાધનો પહેરેલા અધિકારીઓ અને માઉન્ટેડ પોલીસની મદદથી સિસ્ટમ નિયંત્રિત કરવામાં આવી.