![રાજકોટ : સિવિલ હોસ્પિટલના તબિબે દર્દીને મરી જવાનુ કહ્યું, સમગ્ર મામલાનો વિડીયો વાઈરલ](https://img-cdn.thepublive.com/fit-in/640x430/filters:format(webp)/connect-gujarat/media/post_banners/wp-content/uploads/2019/06/maxresdefault-108.jpg)
સૌરાષ્ટ્રનું હબ ગણાતી રાજકોટ સિવિલ હોસ્પિટલ અવાર નવાર કોઇના કોઇ બહાને વિવાદમાં સપડાતી રહી છે. ત્યારે સિવિલ હોસ્પિટલના તબીબે દર્દીએ સાથે અભદ્ર ભાષામાં વાતચીત કરતો વિડિયો વાયરલ થતા તબીબી આલમમાં ચકચાર જાગી છે. સમગ્ર બનાવની વાત કરવામા આવે તો રાજકોટ સિવિલ હોસ્પિટલમાં સારવાર માટે આવેલા દર્દીને 15 દિવસ માટે આરામ કરવા ડોકટરે સુચના આપી હતી.
તો પ્રત્યુતરમા દર્દીએ ડોકટરને સારવાર માટે કહેતા તબીબ ભડકયા અને દર્દીને કહી દીધું કે દર્દીઓ મરવા માટે જ આવે છે. જે સમગ્ર વાતચીતનો વિડીયો તેના નજીકના સગાવહાલાઓ એ બનાવી વાઈરલ કરતા મેડિકલ કોલેજના ડિન દ્વારા એક તપાસ કમિટીની રચના કરવામા આવી છે. જે તપાસ કમિટીમા આગામી 8 દિવસમા પોતાનો રીપોર્ટ તૈયાર કરી ડિનને સુપ્રત કરશે. જે બાદ તબિબ વિરુધ્ધ પગલા લેવામા આવશે
- વાતચીતના અંશ
દર્દી: સાહેબ મને ચાલુ સર્વિસે કહી થઇ જશે તો?
ડોક્ટર: મરી જવાનું
દર્દી: મરી જવાનું? તો હું તમારી પાસે શું કામ આવ્યો છું?
ડોક્ટર: અહીં કંઇ માથાકૂટ ના કર, મારી જોડે નીચે આવી જજે
દર્દી: તો મને 15 દિવસ પછી આવવાનું કહ્યું છે તે લખી દેવું જોઇએ
ડોક્ટર: તું મારી સાથે માથાકૂટ કરમાં, નીચે જતો રહે, હું હાજર નથી.
દર્દી: તમે અહીં બેઠા તો છો
ડોક્ટર: તે મારે તને જવાબ આપવાનો છે, જતો રહે નીચે
દર્દી: તો મને તમે 15 દિવસનું લખી દ્યો
ડોક્ટર: નથી લખી દેવું જા, થાય તે કરી લે