ગુજરાત રાજ્યમાં કુલ કોરોના સંક્રમિત કેસ સંખ્યા 75 હજારને પાર, આજે વધુ 1092 કેસ નોધાયા

ગુજરાત રાજ્યમાં કોરોના વાયરસનો કહેર યથાવત રહ્યો છે. રાજ્યમાં આજે કોરોનાના 1092 નવા પોઝિટિવ કેસ નોંધાયા છે. અને વધુ 18 દર્દીઓના મોત થયા છે.રાજ્યમાં આજે 1046 દર્દીઓએ સારવાર આપ્યા બાદ ડિસ્ચાર્જ કરવાંમાં આવ્યા છે. રાજ્યમાં અત્યાર સુધીમાં કુલ સંક્રમિતની કેસ સંખ્યા 75,482 પર પહોંચી છે. અને મુત્યુઆંક 2733 થયો છે.

રાજ્યમાં આજે 1092 નવા કેસ નોધાયેલ પૈકી સુરતમાં-251, અમદાવાદમાં-166, વડોદરામાં-109, રાજકોટમાં-95, જામનગરમાં 36, અમરેલીમાં 33, ગીર સોમનાથ 29, ભાવનગર-40, દાહોદ-25, મોરબી 25, પંચમહાલ-23, કચ્છ-22, મહેસાણા 20, ગાંધીનગર-33, સુરેન્દ્રનગર-17, મહિસાગર-16, નવસારી -14, વલસાડ-14, ખેડા-12, બનાસકાંઠા-11, પાટણ -11,ભરુચ-10, જુનાગઢ-17, આણંદ-9, છોટા ઉદેપુર-8, બોટાદ-6, દેવભુમિ દ્વારકા-6, નર્મદા-5, પોરબંદર 5, અરવલ્લી-4, જામનગર 3, તાપી -2 અને અન્ય રાજ્યના 5 કેસ નોંધાયા છે.

રાજ્યમાં આજે 18 દર્દીઓના કોરોના કારણે મોત થયા છે. જેમાં અમદાવાદમાં 4, સુરતમાં 5, રાજકોટમાં 3, ભાવનગર, ગાંધીનગર, ગીર સોમનાથ, જામનગર, કચ્છ, અને વડોદરામાં 1 દર્દીના મોત થયું છે.

રાજ્યમાં હાલ 14,310 એક્ટિવ કેસ છે, જ્યારે 58,439 લોકોને ડિસ્ચાર્જ કરી દેવામાં આવ્યા છે. રાજ્યમાં હાલ 79 દર્દી વેન્ટીલેટર પર છે અને 14,231 લોકો સ્ટેબલ છે. રાજ્યમાં અત્યાર સુધીમાં 11,59,822 ટેસ્ટ કરવામાં આવ્યા છે.