Top
Connect Gujarat

‘ટોઇલેટઃ એક પ્રેમકથા’, અક્ષયની નવી ફિલ્મ હશે

‘ટોઇલેટઃ એક પ્રેમકથા’, અક્ષયની નવી ફિલ્મ હશે
X

‘સ્પેશ્યલ 26’ અને ‘બેબી’ જેવી સફળ ફિલ્મો આપીને અક્ષય કુમાર અને નિરજ પાંડે વધુ એકવાર સાથે કામ કરવા જઇ રહ્યા છે. જેનું શિર્ષક ‘ટોઇલેટઃ એક પ્રેમકથા’ રાખવામાં આવશે.

આ ફિલ્મ વડાપ્રધાન નરેન્દ્ર મોદીના સ્વચ્છ ભારત અભિયાનથી પ્રેરિત છે. તાજેતરમાં નિરજ પાંડેએ અક્ષય કુમારને આ ફિલ્મ અંગે વાત કરી હતી અને અક્ષય કુમારને આ ફિલ્મનો કન્સેપ્ટ ખૂબ જ પસંદ આવ્યો હતો.

રિપોર્ટસ અનુસાર આ ફિલ્મ એક ગંભીર વિષય પરની કટાક્ષ કથા છે. સુપર સ્ટાર અક્ષય કુમારે આ ફિલ્મ માટે હા પાડી દીધી છે. પરંતુ તેણે કોન્ટ્રાક્ટ પર ઓફિશિયલી સાઇન કરી નથી.

ફિલ્મની વાર્તા રામલીલા ફેમ ગરિમા અને સિદ્ધાર્થે લખી છે. અક્ષયની આ ફિલ્મ 2017માં રિલીઝ થાય તેવી શક્યતા છે. હાલમાં અક્ષય કુમાર હેરા ફેરી 3, જોલી એલએલબી 2 અને નમસ્તે ઇંગ્લેન્ડના શૂટિંગમાં વ્યસ્ત છે.

Next Story
Share it