નર્મદા : કલેકટર કચેરી ખાતે NHRC ના મેમ્બર પ્રિયાંક કાનુનગોના અધ્યક્ષતાને રાષ્ટ્રીય માનવ અધિકાર આયોગની સમીક્ષા બેઠક યોજાઈ

• કલેકટર કચેરી ખાતે સમીક્ષા બેઠક યોજાઈ

• NHRC મેમ્બરના અધ્યક્ષતાને યોજાઇ બેઠક

• પ્રિયાંક કાનુનગોની વિશેષ ઉપસ્થિતિ

• સરકારની કલ્યાણકારી યોજનાઓ અંગે સમીક્ષા 

• કલ્યાણકારી યોજનાઓ અંગે માહિતી મેળવવામાં આવી

નર્મદા જિલ્લા કલેકટર કચેરીના કોન્ફરન્સ હોલ ખાતે રાષ્ટ્રીય માનવ અધિકાર આયોગ (NHRC)ના મેમ્બર પ્રિયાંક કાનુનગોના અધ્યક્ષસ્થાને વિવિધ કેન્દ્ર અને રાજ્ય સરકારની કલ્યાણકારી યોજનાઓ અંગે સમીક્ષા બેઠક યોજાઈ હતી.

નર્મદા જિલ્લા કલેકટર કચેરીના કોન્ફરન્સ હોલ ખાતે રાષ્ટ્રીય માનવ અધિકાર આયોગ (NHRC)ના મેમ્બર પ્રિયાંક કાનુનગોના અધ્યક્ષસ્થાને નર્મદા જિલ્લામાં વિવિધ કેન્દ્ર અને રાજ્ય સરકારની કલ્યાણકારી યોજનાઓ અંગે સમીક્ષા બેઠક યોજાઈ હતી. બેઠકમાં જિલ્લા કલેક્ટર ગંગા સિંઘ, જિલ્લા પોલીસ અધિક્ષક વિશાખા ડબરાલ, જિલ્લા વિકાસ અધિકારી આર.વી. વાળા સહિત જિલ્લાના વિવિધ વિભાગોના અધિકારીઓ ઉપસ્થિત રહ્યા હતા.

સમીક્ષા દરમિયાન NHRC ના મેમ્બર પ્રિયાંક કાનુનગોએ વર્ષ 2025-26 અંતર્ગત જિલ્લામાં અમલમાં રહેલી આઈ.ટી.આઈ., ડી.આર.ડી.એ., ચાઇલ્ડ લેબર, ગુજરાત સફાઈ કામદાર કલ્યાણ યોજના, રાઇટ ટુ ચિલ્ડ્રન અંતર્ગત આંગણવાડી સેવાઓ, ન્યુટ્રિશન અને પોષણ સંગમ, પૂર્ણા શક્તિ યોજના, પી.એમ. પોષણ યોજના, જિલ્લાની શાળાઓની સ્થિતિ, રાષ્ટ્રીય બાલ સ્વાસ્થ્ય કાર્યક્રમ, ડિસ્ટ્રીક્ટ ચાઇલ્ડ પ્રોટેક્શન યુનિટ, ચાઇલ્ડ વેલફેર કમિટી, સ્ટેટ સ્પોન્સરશિપ સ્કીમ, પાલક માતા-પિતા યોજના, શેરો પોઝીટીવ ઇલનેસ સ્કીમ, દીકરી લગ્ન સહાય યોજના, મુખ્યમંત્રી બાલ સેવા યોજના, PM CARES for Children યોજના તથા ચાઇલ્ડ હેલ્પલાઇન સહિતની યોજનાઓ અંગે વિગતવાર માહિતી મેળવી હતી.

તદુપરાંત, રાઇટ્સ ઓફ ચિલ્ડ્રન એન્ડ જુવેનાઇલ જસ્ટિસ સિસ્ટમ, જિલ્લા કાનૂની સેવા સત્તા મંડળ, વરિષ્ઠ નાગરિક અધિકાર યોજનાઓ, આયુષ્માન ભારત – PMJAY, પ્રધાનમંત્રી જનધન યોજના, PMJJBY, કિસાન ક્રેડિટ કાર્ડ, જિલ્લા સમાજ સુરક્ષા વિભાગની વિવિધ યોજનાઓ, GMERS મેડિકલ કોલેજ, રાષ્ટ્રીય ગ્રામ સ્વરાજ યોજના, સ્કીલ ડેવલપમેન્ટ, PM સ્વનિધિ કાર્યક્રમ તેમજ સ્પોર્ટ્સ એન્ડ હ્યુમન રાઇટ્સ સંબંધિત યોજનાઓ અંગે વિસ્તૃત સમીક્ષા કરવામાં આવી હતી.