અમદાવાદ: કોંગ્રેસ અધ્યક્ષ જગદીશ ઠાકોરનું નિવેદન, આ વર્ષે કોંગ્રેસની દિવાળી સારી જવાની છે

ગુજરાત કોંગ્રેસમાં મોરબીના કિશોર ચીખલીયા સહિતના સભ્યો ફરીથી કોંગ્રેસમાં જોડાયા છે. કોંગ્રેસ પ્રદેશ પ્રમુખ જગદીશ ઠાકોરે તમામ લોકોને ખેસ પહેરીને પક્ષમાં સ્વાગત કર્યું હતું.

મોરબીના કિશોર ચીખલીયા વર્ષ 2010માં મોરબી જિલ્લા પંચાયતમાં જીત્યા હતા.2015ની ચૂંટણીમાં જિલ્લા પંચાયત પ્રમુખ તરીકે રહેલા છે. એક પણ કમીટી, સમિતિમાં તેઓને હોદ્દો આપ્યો ન હતો. ભાજપની વર્તણૂકથી કંટાળીને કોંગ્રેસમાં પ્રવેશ કર્યો છે ત્યારે કોંગ્રેસ પ્રદેશ પ્રમુખ જગદીશ ઠાકોરના હાથે ખેસ પહેરાવી સ્વાગત કર્યું હતું. ત્યારે જગદીશ ઠાકોરે જણાવ્યું હતું કે ભાજપને હરાવવાનો છે તેમજ લોકોને ભાજપના ચુંગાલમાંથી છોડાવવાના છે.

ગુજરાતમાં જે કઈ રાજનીતિ ચાલી રહી છે તે લોકશાહી માટે ઘાતક છે. સુરતમાં કોંગ્રેસના ચાર યુવા કાર્યકરો સામે પાસા કરીને તેઓને જેલમાં ધકેલવામાં આવે છે.ભાજપના ટાવરના બોલ્ટ ઢીલા પડી રહ્યાં છે.ગુજરાત વિધાનસભાની ચૂંટણી નજીક છે ત્યારે કોંગ્રેસમાંથી એક બાદ એક નેતાઓ પાર્ટી છોડી રહ્યા છે. ત્યારે શંકરસિંહ વાઘેલાની કોગ્રેસ વાપસી બાબતે પણ જગદીશ ઠાકોરે જણાવ્યું હતું કે આ વર્ષે કોંગ્રેસની દિવાળી સારી જવાની છે