અમદાવાદ: ચાલુ ક્રિકેટ મેચમાં GST ઓફિસરનું હ્રદય રોગના હુમલાથી મોત, જુઓ LIVE દ્રશ્યો

અમદાવાદ પાસે ભાડજના શાંતિનિકેતનમાં GST ઓફિસરનું ચાલુ ક્રિકેટ મેચમાં હાર્ટ એટેકથી મોત નીપજયું હતું. સમગ્ર દ્રશ્યો કેમેરામાં કેદ થયા હતા.

અમદાવાદના ભાડજમાં ક્રિકેટ સ્ટેડિયમમાં મેચ ચાલી રહી હતી.GST ઓફિસર અને સુરેન્દ્રનગર જિલ્લા પંચાયત ચાલતી મેચમાં મુળ સુરેન્દ્રનગરના પાટડી તાલુકાના ધામા ગામના વતની વસંત રાઠોડ બોલિંગ કરી રહ્યા હતા.આ દરમિયાન તેમને ગભરામણ થતું હોય તેવી રીતે વર્તન કરી રહ્યા છે.જે બાદ અચાનક જ તેઓ બેસે છે અને પછી પાછા ઊભા થાય છે પરંતુ તબિયતમાં કંઈ સુધારો ન લાગતા ફરી બેસે છે અને ઢળી પડે છે જે દરમિયાન ક્રિકેટ રમતા અન્ય ઓફિસર્સ તેમની નજીક દોડી જાય છે અને તેમને CPR આપવાનો પ્રયાસ કરે છે ત્યારબાદ તેમને પીઠમાં માલિશ કરવાનો પ્રયાસ કરે છે. આમ જીએસટી ઓફિસર વસંત રાઠોડને ક્રિકેટ રમતા આવેલા હાર્ટ એટેક સમયના દ્રશ્યો કેમેરામાં કેદ થયા હતા. જીએસટી ઓફિસર વસંત રાઠોડને ચાલુ મેચ દરમિયાન જ હાર્ટ અટેક આવતા તાત્કાલિક સારવાર માટે સોલા સિવિલ હોસ્પિટલ ખસેડવામાં આવ્યા હતા. જોકે ત્યાં ફરજ પરના ડોક્ટરે તેમને મૃત જાહેર કર્યા હતા. આ દરમિયાન મેચ રોકી દેવામાં આવી હતી