અમદાવાદ : ભગવાન જગન્નાથ રથયાત્રાને લઇ પોલીસ એક્શન મોડમાં

ભગવાન જગન્નાથ રથયાત્રાને લઇ પોલીસ એક્શનમાં, સંવેદનશીલ વિસ્તારોમાં પોલીસની ચાંપતી નજર.

New Update
અમદાવાદ : ભગવાન જગન્નાથ રથયાત્રાને લઇ પોલીસ એક્શન મોડમાં

અમદાવાદમાં ભગવાન જગન્નાથની 144મી રથયાત્રાને હવે ગણતરીના દિવસો બાકી રહ્યા છે ત્યારે અસમંજસ વચ્ચે પોલીસ તંત્ર હરકતમાં આવ્યું છે. શહેર પોલીસ અને પેરામિલેટ્રી ફોર્સ દ્વારા સંવેદનશીલ વિસ્તારોમાં ફૂટ પેટ્રોલિંગ કરવામાં આવી રહ્યું છે.

અમદાવાદમાં ભગવાન જગન્નાથની 144મી રથયાત્રાને લઇ અસમંજસની સ્થિતિ છે અને હવે ગણતરીના દિવસો બાકી છે ત્યારે શહેર પોલીસ અને પેરામિલેટ્રી ફોર્સ દ્વારા સંવેદનશીલ વિસ્તારોમાં ફૂટ પેટ્રોલિંગ કરવામાં આવી રહ્યું છે જેમાં સ્થાનિક પોલીસ અને તેમની ટીમે સમગ્ર રૂટ પર પેટ્રોલિંગ કર્યું હતું. મહત્વનું છે કે, હજુ રથયાત્રા યોજાશે કે કેમ તેની હજુ સ્પષ્ટતા કરવામાં આવી નથી, પરંતુ પોલીસ દ્વારા તૈયારીઓ શરૂ કરી દેવાઈ છે અને સંવેદનશીલ વિસ્તારોમાં ચાંપતી નજર તેમજ પોલીસ પેટ્રોલિંગ શરૂ કરી દેવાયું છે.

અમદાવાદ ભગવાન જગન્નાથ રથયાત્રા નગરયાત્રાએ નીકળશે કે નહીં તે બાબતે હજી કોઈ પણ પ્રકારની સ્થિતિ સ્પષ્ટ થઈ નથી મંદિર તંત્ર તરફથી રથયાત્રાને લઇ મંજૂરી માંગવામાં આવી છે પણ બીજી બાજુ શહેર પોલીસ દ્વારા હવે તૈયારી કરવામાં આવી રહી છે રથયાત્રા જે રૂટ પર નીકળે છે ત્યાં સંવેદનશીલ વિસ્તાર આઈડેન્ટિફાય કરી સ્થાનિક પોલીસની સાથે આર.એ.એફની ટુકડીઓ ડિપ્લોય કરવામાં આવી છે.

આરએએફના જવાનોએ આધુનિક હથિયારો સાથે તમામ માર્ગો પર પેટ્રોલિંગ કર્યું હતું જેથી રથયાત્રા સમયે કોઈ પણ પ્રકારની ગરબડી ના ફેલાઈ અને માર્ગો તથા વિસ્તારોને સંવેદનશીલ અને અતિ સંવેદનશીલ તરીકે અલગ કરી શકાય. આમ રથયાત્રાને મંજૂરી મળશે કે નહિ તે આવનાર દિવસોમાં નક્કી થશે પણ પોલીસ તંત્ર એક્શન મોડમાં આવ્યું છે.

Read the Next Article

અમદાવાદ : રૂ. 15 લાખના 11 વિદેશી પોપટની ચોરી કરનાર શખ્સ ઝડપાયો, અન્ય 2 લોકોની શોધખોળ...

સામાન્ય રીતે પૈસા, ચીજ-વસ્તુ કે દાગીનાની ચોરી થયાના સમાચાર પ્રકાશમાં આવતા હોય છે. પરંતુ અમદાવાદ શહેરમાંથી ચોરીનો ચોંકાવનારો બનાવ સામે આવ્યો..

New Update
  • શહેરમાંથી ચોરીનો ચોંકાવનારો બનાવ સામે આવ્યો

  • 15 લાખની કિંમતના વિદેશી પોપટની થઈ હતી ચોરી

  • વિદેશી પોપટની ચોરી મામલે એક શખ્સની ધરપકડ

  • ફરાર 2 ઈસમોની ધરપકડના ચક્રો ગતિમાન કરાયા

  • તસ્કરોએ છેલ્લા 15 દિવસથી કરી હતી રેકી : પોલીસ

અમદાવાદ શહેરમાંથી રૂ. 15 લાખની કિંમતના વિદેશી પોપટની ચોરી મામલે પોલીસે એક શખ્સની ધરપકડ કરી છેજ્યારે ફરાર 2 ઈસમોની ધરપકડના ચક્રો ગતિમાન કર્યા છે.

સામાન્ય રીતે પૈસાચીજ-વસ્તુ કે દાગીનાની ચોરી થયાના સમાચાર પ્રકાશમાં આવતા હોય છે. પરંતુ અમદાવાદ શહેરમાંથી ચોરીનો ચોંકાવનારો બનાવ સામે આવ્યો છે. ગત તા. 8 જુલાઇના રોજ પાલતુ પશુ-પક્ષીની દુકાનના તાળા તોડીને રૂ. 15 લાખની કિંમતના 11 વિદેશી પોપટ અને અન્ય વસ્તુઓની ચોરી થયાની ફરિયાદ પોલીસ મથકે નોંધાય હતી. આ પક્ષીઓમાં એક-એક પક્ષીની કિંમત રૂ. 1.50 લાખથી લઈને 3.20 લાખ જેટલી થાય છે.

જેમાં ઓસ્ટ્રેલિયન પોપટમકાઉ પોપટઆફ્રિકન ગ્રે પોપટએટલેટસ પોપટબ્લુ એન્ડ ગોલ્ડ મકાઉ પોપટમોલુટન કાકાટીલટુ પોપટ સહિતના પોપટની ચોરી થઈ હતી. સમગ્ર મામલે પોલીસ દ્વારા તપાસ હાથ ધરવામાં આવી હતીત્યારે અમદાવાદ ગ્રામ્યLCB પોલીસ દ્વારા એક તસ્કરની અટકાયત કરવામાં આવી છે.

અત્રે ઉલ્લેખનીય છે કેઆરોપી છેલ્લા 15 દિવસથી ચોરી કરવાની જગ્યા પર રેકી કરતો હતો. દુકાનમાંCCTV હોવાથી કેમેરાની સ્વીચ બંધ કરી ચોરીને અંજામ આપવામાં આવ્યો હતો. એટલું જ નહીંચોરી કર્યા બાદ કારમાં પોપટને ચોક્કસ જગ્યા પર લઈ જવામાં આવ્યા હતા. ત્યારબાદ 2 દિવસે પોપટને બહાર કાઢ્યા હતા. ચોરીના ગુન્હામાં 3 આરોપી હતા. જેમાંથી આરોપી વિશાલની ધરપકડ કરવામાં આવી છે. વિશાલ અગાઉ પણ બકરા ચોરીના કેસમાં પકડાયેલ છે. જોકેદિવાળી બાદ તેના લગ્ન હોવાથી પૈસાની જરૂર હતીજેથી ચોરીનો પ્લાન બનાવ્યો હતોતારે હાલ તો અન્ય 2 ફરાર આરોપીની ધરપકડના પોલીસે ચક્રો ગતિમાન કર્યા છે.