ગુજરાતમાં પહેલીવાર પ્રતિબંધિત મેજીક મશરૂમ જે નશા માટે વપરાય છે તેની સાથે ઈન્ટરનેશલ ગુણવતાનો ગાંજાનો જથ્થો પકડી પડ્યો છે. ગુજરાતમાં પહેલીવાર મેજીક મશરૂમનો કેસ દાખલ કરવામાં આવ્યો છે. અમેરિકાથી ઓનલાઈન ડાર્ક વેબ મારફતે ઇન્ટરનેશનલ ડ્રગ ડીલર સંપર્ક કરીને હવાલા સિસ્ટમથી ચાલતો ડ્રગ્સ કારોબાર પકડાયો. ક્રિપ્ટો કરન્સીથી ચુકવણી કરીને બાય કાર્ગો એર કુરિયર થી પ્રતિબંધિત નશાકારક પદાર્થો મંગાવીને સમગ્ર રાજ્યમાં ગેરકાયદેસર વેચાણ કરતા બે આરોપીની ગ્રામ્ય એસઓજીએ ધરપકડ કરી છે.અમદાવાદ ગ્રામ્ય SOG એ ઓનલાઈન ડ્રગ્સ મંગાવીને વેચાણ કરતા આનંદનગરના રહેવાસી વંદિત પટેલ અને વેજલપુરના પાર્થ શર્માની ધરપકડ કરી છે. આરોપીઓ પાસેથી પોલીસે અમેરિકન હાઇબ્રીડ ગાંજો, અમેરિકન ચરસ, લોકલ ચરસ, મેજિક મશરૂમ તથા શેટર જેવા નશાકારક ડ્રગ્સ નો મુદ્દામાલ કબ્જે કર્યો છે. આરોપીઓ આ ડ્રગ્સ ઓનલાઈન મંગાવીને અમદાવાદ સહિત અનેક શહેરોમાં વેચતો હતો. અને ડ્રગ્સ વેચવા માટે છેલ્લા ઘણા સમયથી બોપલ વિસ્તારમાં સલૂન પણ ખોલવામાં આવ્યું હતું.જે સલૂનની આડમાં કોલેજોના યુવાધનને ટાર્ગેટ કરી જેમનો સોશિયલ મીડિયા મારફતે બિન્દાસ રીતે ડ્રગ્સ કારોબાર ચલાવતો હતો.

પોલીસ કસ્ટડીમાં ઉભેલો આ મુખ્ય આરોપી વંદિત પટેલ અને તેનો સાગરીત છે. જેમની પોલીસે પૂછપરછ કરતા સામે આવ્યું આવ્યું છે કે વર્ષ 2018માં અભ્યાસ અર્થે સિંગાપુર ગયો હતો. તે દરમિયાન વિદિત પોતે પણ ડ્રગ્સ આદિ બન્યો હતો અને પોતે એજ્યુકેટેડ હોવાથી અને ઇન્ટરનેટ, ડાર્ક વેબ, ઇન્ટરનેશનલ ડ્રગ્સ ચેઇન, ક્રિપ્ટોકરન્સી બાબતે જાણકારી હોવાથી ડાર્ક વેબ મારફતે ઇન્ટરનેશનલ ડ્રગ ઓનલાઇન સંપર્ક કરીને હવાલા સિસ્ટમ મારફતે વિદેશમાં ક્રિપ્ટોકરન્સીથી પેમેન્ટની ચુકવણી કરીને કાર્ગો એર કુરિયર મારફતે ગુજરાતમાં અલગ-અલગ સરનામાં પર ડ્રગ્સ પાર્સલો મંગાવતો હતો. જો કે સ્કેનર માં પકડાઈ ના જાય તે માટે ખાસ પ્લાસ્ટિકની બેગમાં ડ્રગ્સ છુપાવીને કોઈ પણ વસ્તુ ઓની આડમાં મંગવતો હતો. પોલીસે આ પ્લાસ્ટિકની બેગ પણ કબ્જે કરી છે. જે બેગ બનાવવામાં કઈ કઈ સામગ્રીનો ઉપયોગ થયો છે તેની જાણકારી મેળવવા માટે તેને FSL માં પણ મોકલવામાં આવશે.

હાલમાં આરોપીની પૂછપરછ માં એ પણ સામે આવ્યું છે કે લોકલ ચરસ તે હિમાચલ પ્રદેશથી મંગાવતો હતો. જેથી પોલીસે હિમાચલ પ્રદેશના ગુડ્ડુ ભાઈ, સુરતના ફેનીલ, બોપલના નીલ પટેલ, શ્યામલ ચાર રસ્તા પાસે રહેતા વિપુલ ગોસ્વામી , થલતેજના જીલ પરાઠે અને વાપીના આકીબ સિદ્દીકીના નામ બહાર આવતા તેમને પકડવા માટે પણ ચક્રો ગતિમાન કર્યા છે. આરોપી એ અત્યાર સુધીમાં રૂપિયા એક કરોડથી વધુ રકમ નું ડ્રગ્સ વેચી દીધું હોવાનું સામે આવ્યું છે. જ્યારે પકડાયેલા અન્ય આરોપી પાર્થ શર્માએ પણ મંગાવેલ ડ્રગ્સનો જથ્થો જ્યાં રાખવામાં આવ્યો છે. તેનું ધ્યાન રાખતો ઉપરાંત જ્યારે મુખ્ય આરોપી ગેરહાજર હોય ત્યારે તે લોકોને ડ્રગ્સ પૂરું પાડતો હતો. જેના બદલેમાં તેને દર મહિને રૂપિયા 20 થી 25 હજાર મળતા હતા.માનવામાં આવી રહ્યું છે કે આ પ્રકારનું કન્સાઇનમેન્ટ ગુજરાતમાં પ્રથમ વખત આવ્યું હતું જેનાથી NCB, CISF અને એરપોર્ટ ઓથોરિટી પણ અચંબામાં મુકાઈ છે